NATA zaklikaje Rasiju spynić padtrymku režymu Bašara Asada i zasiarodzicca na baraćbie z «Isłamskaj dziaržavaj», zajaviŭ hienieralny sakratar Paŭnočnaatłantyčnaha aljansu Jens Stołtenbierh.
Zajava prahučała napiaredadni sustrečy ministraŭ abarony aljansu ŭ Bruseli, dzie hałoŭnym pytańniem stanie abvastreńnie situacyi na Blizkim Uschodzie paśla pačatku rasijskich bambardzirovak siryjskaj terytoryi.
Hienieralny sakratar adznačyŭ, što rasijskija avijaŭdary i abstreły terytoryi Siryi karabielnymi rakietami źjaŭlajucca «pryčynami dla kłopatu», ale asablivuju tryvohu vyklikaje pahroza biaśpieki členaŭ aljansu.
Z pačatku rasijskaj vajennaj apieracyi rasijskija samaloty jak minimum dvojčy ŭryvalisia ŭ pavietranuju prastoru Turcyi.
«NATA hatova i ŭ stanie abaranić usich svaich sajuźnikaŭ, u tym liku Turcyju, suprać lubych pahroz», — zajaviŭ Stołtenbierh. Pavodle jaho słoŭ, aljans hatovy razharnuć u rehijonie, u tym liku na poŭdni Turcyi, dadatkovyja vajennyja siły.
Dziejańni Rasii viaduć da taho, što niebiaśpiečnaja situacyja robicca značna bolš niebiaśpiečnaj, padtrymaŭ Stołtenbierha brytanski ministr abarony Majkł Fełan.
Na jaho dumku, samaje karysnaje, što mahli b zrabić rasijskija ŭłady, heta «vykarystoŭvać svoj upłyŭ na Bašara Asada, kab prymusić jaho spynić bambiožki mirnaha nasielnictva».
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary