Prezident Rasii Uładzimir Pucin i kiraŭnik Biełarusi Alaksandr Łukašenka sustrenucca na hetym tydni ŭ Kazachstanie, paviedamiŭ ria.ru pres-sakratar kiraŭnika rasijskaj dziaržavy Dźmitryj Piaskoŭ.
«Jany z Łukašenkam pabačacca ŭ kancy tydnia ŭ Kazachstanie», — skazaŭ Piaskoŭ, adkazvajučy na pytańnie, ci płanujecca ŭ najbližejšy čas sustreča Pucina i Łukašenki i mahčymaje abmierkavańnie pytańnia ab rasijskaj avijabazie ŭ Biełarusi.
Napiaredadni Łukašenka zajaviŭ, što maje namier abmierkavać z Pucinym pytańnie ab mahčymym stvareńni rasijskaj avijabazy ŭ krainie. Łukašenka taksama vykazaŭ zacikaŭlenaść Biełarusi ŭ tym, kab Rasija «padmacavała» sistemu abarony miažy Sajuznaj dziaržavy rakietnymi uzbrajeńniami.
Raniej biełaruski kiraŭnik zajaŭlaŭ, što nie abmiarkoŭvaŭ z RF pytańnie ab vajskovaj bazie. Piaskoŭ u svaju čarhu kazaŭ, što jon pakul nie hatovy kamientavać paviedamleńni ab raźmiaščeńni rasijskaj vajskovaj bazy ŭ Biełarusi. Pa słovach Piaskova, u Kramli majuć namier pravieryć, pra što idzie havorka.
Kamientary