Va ŭsich cerkvach Zambii ŭ niadzielu žychary krainy malilisia ab adnaŭleńni ekanomiki krainy i chutkim vychadzie z kryzisu.
Prezident Zambii Edhar Łunhu padziakavaŭ suajčyńnikam za malitvu i skazaŭ, što Boh pačuŭ ich prośbu ab dapamozie. Łunhu zaklikaŭ žycharoŭ pastaracca zrabić usio mahčymaje dla palapšeńnia situacyi, a ŭ astatnim spadziavacca na Božuju volu.
U dzień malitvy ŭ krainie byli začynienyja ŭsie bary, načnyja kłuby i inšyja zabaŭlalnyja ŭstanovy. Taksama byli admienienyja matčy nacyjanalnaj futbolnaj asacyjacyi.
Nacyjanalnaja valuta — zambijskaja kvača — z pačatku hetaha hoda patańnieła ŭ adnosinach da dalara amal na 50%. Padzieńnie kursu nacyjanalnaj valuty adbyvałasia na fonie rezkaha padzieńnia cenaŭ na miedź, jakaja składaje asnovu ekspartu Zambii.
Jašče adnym faktaram, jakija paŭpłyvali na paharšeńnie ekanamičnaj situacyi ŭ krainie, stała mocnaja zasucha. Z-za adsutnaści daždžoŭ ŭradžaj kukuruzy apynuŭsia mienš čakanaha, što pryviało da rostu cenaŭ na pradukty. Taksama miascovyja HES skaracili vypracoŭku elektraenierhii, što pryviało da masavych adklučeńniaŭ śviatła pa ŭsio krainie.
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary