ZŠA pry adpraŭcy vajskoŭcaŭ u Siryju płanujuć kaardynavać svaje dziejańni z Rasijaj, zajaviŭ u dziaržsakratar ZŠA Džon Kiery, pieradaje RIA «Naviny».
Pra heta jon raspavioŭ u intervju telekanału «Mir».
Pavodle jaho słoŭ, ZŠA chacieli b pašyryć supracoŭnictva z Rasijaj, ale heta zaležyć ad rašeńniaŭ Maskvy pa palityčnym pracesie ŭ Siryi.
«My chacieli b bolšaha, ale heta zaležyć ad Rasii, ad pryniaćcia joju rašeńniaŭ z nahody palityčnaha aśpiektu dasiahnieńnia miru. My pavinny abmierkavać budučyniu prezidenta Asada, my pavinny znajści palityčnaje rašeńnie», — skazaŭ dziaržsakratar.
Jon padkreśliŭ, što na niadaŭnich pieramovach u Vienie Rasija i ZŠA zmahli prasunucca ŭ bok palityčnaha rašeńnia dasiahnieńnia miru. «Adnaznačna, my chočam supracoŭničać, a nie supraćstajać, ale heta zaležyć ad vybaru, jaki zrobić Rasija», — skazaŭ Kiery.
Raniej paviedamlałasia, što ŭdzielniki vienskich pieramoŭ pa siryjskim urehulavańni nie zdoleli damovicca ab roli prezidenta Bašara Asada ŭ hetym pracesie.
Ciapier čytajuć
Paśla vystupleńnia Łuhanskaha teatra ŭ Minsku adna z hladačak vyhuknuła «Słava Ukrainie!»6
Kamientary