ЗША пры адпраўцы вайскоўцаў у Сірыю плануюць каардынаваць свае дзеянні з Расіяй, заявіў у дзяржсакратар ЗША Джон Керы, перадае РІА «Навіны».
Пра гэта ён распавёў у інтэрв'ю тэлеканалу «Мір».
Паводле яго слоў, ЗША хацелі б пашырыць супрацоўніцтва з Расіяй, але гэта залежыць ад рашэнняў Масквы па палітычным працэсе ў Сірыі.
«Мы хацелі б большага, але гэта залежыць ад Расіі, ад прыняцця ёю рашэнняў з нагоды палітычнага аспекту дасягнення міру. Мы павінны абмеркаваць будучыню прэзідэнта Асада, мы павінны знайсці палітычнае рашэнне», — сказаў дзяржсакратар.
Ён падкрэсліў, што на нядаўніх перамовах у Вене Расія і ЗША змаглі прасунуцца ў бок палітычнага рашэння дасягнення міру. «Адназначна, мы хочам супрацоўнічаць, а не супрацьстаяць, але гэта залежыць ад выбару, які зробіць Расія», — сказаў Керы.
Раней паведамлялася, што ўдзельнікі венскіх перамоў па сірыйскім урэгуляванні не здолелі дамовіцца аб ролі прэзідэнта Башара Асада ў гэтым працэсе.
Цяпер чытаюць
У дзень, калі памілавалі палітвязня Дароніна, ягонай жонцы прысудзілі 8,5 гадоў калоніі за ўдзел у дваровым чаце6
Каментары