Ekstremisckaja hrupoŭka «Isłamskaja dziaržava» da hetaha času nijak nie paćvierdziła svaju zajavu, što mienavita jana datyčnaja da katastrofy rasijskaha samalota na Sinajskim paŭvostravie.
Ad imia ID było raspaŭsiudžanaje tolki karotki apaviaščeńnie, jakoje nie tłumačyła, jak mienavita heta adbyłosia, i nie paćviardžałasia nijakimi vizualnymi śviedčańniami.
Za piśmovaj zajavaj, vypuščanaj padraździaleńniem ID, jakoje nazyvaje siabie «Sinajskaja pravincyja», 31 kastryčnika, u dzień krušeńnia,było padyjopaviedamleńnie, pieradadzienaje ŭ toj ža dzień aficyjnaj radyjostancyjaj ID «Al-Bajan», jakoje dakładna paŭtaraje piśmovaje.
Abiedźvie zajavy byli raspaŭsiudžanyja zvyčajnaj infarmacyjnaj krynicaj ID praz tvitar i miesiendžar Telegram.
U zajavie havaryłasia, što «sałdaty chalifata zdoleli źbić rasijski samalot nad Sinajskaj pravincyjaj». Tam taksama havaryłasia, što heta było zroblena ŭ adpłatu za rasijskija avijaŭdary pa Siryi.
Adnak nijakich padrabiaznaściaŭ taho, jak ułasna heta było zroblena, tam nie ŭtrymlivałasia: da prykładu, jakuju zbroju jany vykarystoŭvali ci jakim čynam zdoleli pranieści vybuchoŭku na bort abo adpravić svajho śmiarotnika.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary