U mihrantaŭ płanujecca praviarać, ci viedajuć jany asnoŭnyja pałažeńni Kanstytucyi Biełarusi, paviedamiŭ siońnia namieśnik ministra ŭnutranych spraŭ Mikałaj Mielčanka.
Pry hetym namieśnik kiraŭnika MUS rastłumačyŭ, što heta nie budzie tak kateharyčna, jak heta robicca ŭ Rasii. U cełym u Biełarusi pakul nie płanujuć poŭnaściu pierajmać rasijskuju praktyku, kali dla atrymańnia dazvołu na rabotu zamiežnamu hramadzianinu treba paćvierdzić viedańnie movy, historyi krainy i asnoŭ zakanadaŭstva.
Namieśnik ministra rastłumačyŭ, što ciapier u Biełaruś z-za miažy prybyvajuć u asnoŭnym hramadzianie Ukrainy, jakija ŭžo dastatkova adaptavany da moŭnych i inšych realij. U lubym vypadku aficery mihracyjnaj słužby MUS vyvučajuć toje, jak zamiežny hramadzianin viedaje adnu z aficyjnych moŭ Biełarusi.
«U biahučym hodzie z ahulnaj kolkaści prybyŭšych hramadzian prykładna treć adaptavałasia i prynosić krainie peŭnuju karyść», — dadaŭ Mikałaj Mielčanka, havoračy ŭ cełym ab inšaziemcach, jakija atrymali paśviedčańnie na prava žycharstva ŭ Biełarusi. U adnosinach da zamiežnych hramadzian, jakija žyvuć u krainie pastajanna i parušajuć nacyjanalnaje zakanadaŭstva, prymajucca miery. U tym liku heta vysyłka z krainy, pazbaŭleńnie paśviedčańnia na prava žycharstva. Inšaziemcami ŭčyniena ŭ hetym hodzie 1,4 pracenta złačynstvaŭ u krainie. «Ličba pakazvaje, što jany nie ŭpłyvajuć na ahulnuju kryminahiennuju abstanoŭku ŭ Biełarusi», — padkreśliŭ Mikałaj Mielčanka.
Kamientary