Ministr abarony ZŠA Eštan Karter abviaściŭ ab źniaćci ŭsich abmiežavańniaŭ, źviazanych sa słužbaj žančyn u amierykanskaj armii. Žančynam ciapier dazvolać vadzić tanki, stralać ź minamiotaŭ i vieści piachotu ŭ boj.
«Jany zmohuć słužyć u padraździaleńniach vajskovych rejndžaraŭ, zialonych bieretaŭ, marskich kocikaŭ, marskoj piachoty, pavietranaha desantu i ŭsich inšych, raniej adkrytych tolki dla mužčyn», — zajaviŭ Karter.
Pavodle jaho słoŭ, uzbrojenyja siły ZŠA bolš nie mohuć dazvolić sabie nie vykarystoŭvać pałovu talentaŭ i ŭmieńniaŭ krainy.
Ministerstva abarony takim čynam adprečyła arhumienty staršyni abjadnanaha kamiteta načalnikaŭ štaboŭ, jaki prapanoŭvaŭ vyklučać žančyn ź niekatorych apieracyj na pieradavoj.
Praciŭniki rašeńnia pryvodzili dadzienyja navukovych daśledavańniaŭ, zhodna ź jakimi padraździaleńni, dzie słužać ludzi abodvuch pałoŭ, vykonvajuć zadańni horš, čym vyklučna mužčynskija.
ZŠA admianili zabaronu na ŭdzieł žančyn-vajskoŭcaŭ u bajavych dziejańniach u studzieni 2013 hoda. Tady amierykanskaje kamandavańnie pakinuła za saboj prava da 2016 hoda abmiarkoŭvać śpis śpiecyjalnych pazicyj, jakija zastanucca niedastupnymi dla žančyn-vajennasłužačych.
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary