Da troch raniejšych — u Čavuskim, Škłoŭskim i Astravieckim rajonach — dadałasia jašče adna.
Pra heta paviedamiŭ načalnik hieafizičnaj ekśpiedycyi departamienta pa hieałohii Ministerstva pryrodnych resursaŭ i achovy navakolnaha asiarodździa Biełarusi Vasil Łosič 1 krasavika na pres‑kanfierencyi ŭ Minsku.
Pavodle jaho słoŭ, vykananyja abjomy rabot pa ich vyvučeńniu roznyja: na 70% vyvučana Krasnapalanskaja placoŭka, na 40% — Kukšynaŭskaja, riekahnascyrovačnyja raboty vykanany na Astravieckaj placoŭcy, na praciahu sakavika vialisia raboty na Vierchniadźvinskim abjekcie. «Raznastajnaść placovak dyktujecca tym, što pa zapatrabavańni MAHATE dla budaŭnictva AES pavinna być nie mienš čym dźvie adnolkava vyvučanyja placoŭki», — rastłumačyŭ śpiecyjalist.
Jak paviedamiŭ dyrektar departamienta pa hieałohii Ministerstva pryrodnych resursaŭ i achovy navakolnaha asiarodździa Biełarusi Uładzimir Karpuk, da kanca krasavika ŭ Biełarusi budzie vyznačana terytoryja dla budaŭnictva atamnaj elektrastancyi — punkt płoščaj prykładna 5 na 5 km. Na hetaj terytoryi da kanca hoda pavinny być zavieršany pošukava‑raźviedačnyja raboty i vyznačana kankretnaja placoŭka dla budaŭnictva AES — płoščaj prykładna 2 na 2 km.
Śpiecyjalist zaznačyŭ, što zadača hieołahaŭ — vyznačyć zabarončyja faktary, jakija mohuć upłyvać na budaŭnictva AES. Pavodle jaho słoŭ, u liku takich faktaraŭ — najaŭnaść razłomaŭ, na jakich nielha budavać zbudavańni, i siejsmatektaničnych niebiaśpiečnych rajonaŭ, prablemy hidrahieałahičnaha charaktaru, źviazanyja ź mihracyjaj padziemnych vod. Tak, ciapier užo ŭstanoŭlena, što Vierchniadźvinskaja placoŭka charaktaryzujecca adnym z hetych faktaraŭ — pieršapačatkova pavyšanaj siejsmaaktyŭnaściu.
Pavodle słoŭ śpiecyjalista, kančatkovaje zaklučeńnie ab pryhodnaści placovak budzie zroblena mižviedamasnaj kamisijaj, u jakuju ŭvachodziać pradstaŭniki šaści bujnych arhanizacyj.
U.Karpuk zaznačyŭ, što budavać AES možna praktyčna ŭ lubym miescy, ale ad šerahu faktaraŭ zaležyć košt inžyniernych rašeńniaŭ.
«Kali placoŭka, naprykład, z punktu hledžańnia tektoniki nie padychodzić, to na joj možna budavać u pryncypie — ale heta dadatkovyja miljardy», — skazaŭ jon.
Kamientary