Iran nibyta hatovy vyvieźci svoj uzbahačany ŭran. Ale tolki ŭ Kitaj
Pavodle paviedamleńniaŭ arabskich ŚMI, Iran zajaviŭ pra hatoŭnaść vyvieźci svaje zapasy vysokaŭzbahačanaha ŭranu, ale pry ŭmovie, što jany buduć pieradadzienyja na zachoŭvańnie ŭ Kitaj.
Jak śćviardžajuć krynicy vydańniaŭ Al Arabiya i Al Hadath, Tehieran hatovy pajści na hety krok u ramkach mahčymaj damovy z ZŠA, adnak choča atrymać harantyi ad Piekina pierad padpisańniem pahadnieńnia.
Raniej paviedamlałasia, što pytańnie losu iranskaha ŭzbahačanaha ŭranu budzie abmiarkoŭvacca ŭ pieramovach z ZŠA na praciahu najbližejšych 30—60 dzion. Pry hetym amierykanski bok nastojvaje na poŭnaj admovie Irana ad hetych zapasaŭ, ale kankretny miechanizm pakul jašče nie ŭzhodnieny.
Prezident ZŠA Donald Tramp vystupaje za toje, kab jadziernyja materyjały akazalisia pad nadziejnym kantrolem, i navat razhladaje žorstkija scenary, u tym liku mahčymaść vykarystańnia śpiecpadraździaleńniaŭ dla ich vyjaŭleńnia.
Raniej Rasija prapanoŭvała pryniać iranski ŭran na zachoŭvańnie abo pierapracoŭku, ale ZŠA nie padtrymali hetuju ideju, padkreśliŭšy, što hałoŭnaje — harantavać poŭny kantrol nad materyjałami.
Pavodle acenak MAHATE, Iran maje kala 440 kh uranu, uzbahačanaha da 60%. Tearetyčna hetaha moža chapić dla stvareńnia bolš jak dziesiaci jadziernych zaradaŭ, što robić hetaje pytańnie klučavym u pieramovach.
Pa stanie na hety momant pamiž Iranam, ZŠA i Izrailem dziejničaje pieramirje. Pavodle infarmacyi ŚMI, baki nablizilisia da damoŭlenaści: užo abmiarkoŭvajecca prajekt pahadnieńnia, jaki moža padoŭžyć režym spynieńnia ahniu na 60 dzion i stać krokam da kančatkovaha ŭrehulavańnia kanfliktu.
Tramp znoŭ pryhraziŭ Iranu mahutnymi ŭdarami, kali respublika nie zaklučyć ździełku
Rubia: Ździełka ź Iranam moža być dasiahnuta siońnia
ZŠA i Iran damovilisia ab adkryćci Armuzskaha praliva
Tramp anansavaŭ histaryčnuju ździełku ź Iranam, paśla zapościŭ pravakacyjny niejrasietkavy malunak
Tramp apublikavaŭ kartu Irana ŭ kolerach ściaha ZŠA
Kamientary