Na Čarnobylskaj AES Śviatłanu Cichanoŭskuju čakaŭ nie tolki ciopły pryjom, ale i niečakana pryhožy stoł
Ad čyrvonaj ikry ŭ špinatnych blincach da sała z chlebam.
U miežach vizitu va Ukrainu Śviatłana Cichanoŭskaja razam ź biełaruskaj delehacyjaj naviedali Čarnobylskuju AES. Haściej na stancyi sustrakaŭ hienieralny dyrektar ČAES Siarhiej Tarakanaŭ. Jon pravioŭ delehacyju pa terytoryi i šmat raskazvaŭ: pra stancyju i najpierš pra ludziej — tych, chto pracavaŭ tut u 1986-m, chto hadami zajmaŭsia biaśpiekaj abjekta i chto praciahvaje pracavać na ČAES užo padčas vajny.
U jaho słovach Čarnobyl hučaŭ jak prastora supolnaj pamiaci dla biełarusaŭ i ŭkraincaŭ i miesca čałaviečaj vytrymki. Asabliva ciapier, kali vajna znoŭ zrabiła temu jadziernaj biaśpieki štodzionnym pytańniem.
Paśla ekskursii haściej čakała niečakana ŭtulnaja častka vizitu — furšet. Na biełych abrusach — maleńkija zakuski, bruskiety z sałam, marynavanaj cybulaj i zierniami harčycy. Kavałački čornaha chleba z padsmažanym biekonam i ahurkami. Tartaletki z kremam i zielaninaj, pirožnyja z uźbitymi viarškami, kłubnicami i čarnicami, dvuchsłajovyja šakaładna-vanilnyja desierty ŭ prazrystych šklanačkach.
Asobna pryciahvali ŭvahu maleńkija «kijeŭskija katlety» — na draŭlanych pałačkach, niby eskimo. Z chrumstkaj paniroŭkaj i maładymi zapiečanymi bulbinkami pobač.
Asobna ŭsie adznačali syrniki. Nievialikija, piaščotnyja, ź lohkaj skarynkaj i miakkaj tvarožnaj siaredzinaj, pasypanyja cukrovaj pudraj i padadzienyja ź jahadami.
Było i prostaje sała — na čornym chlebie.
Śviatłana Cichanoŭskaja ŭšanavała ŭ Kijevie pamiać zahinułych hierojaŭ
Cichanoŭskaja naviedała Čarnobylskuju AES
«Volny Kijeŭ — Svabodny Minsk». Cichanoŭskaja prademanstravała čyhunačny kvitok FOTAFAKT
Cichanoŭskaja pryjechała na mohiłki da Maryi Zajcavaj
Cichanoŭskuju vitali kvietkami na vakzale ŭ Kijevie
Kamientary