Čyrvony Kryž arhanizavaŭ mabilnyja punkty z haračym čajem va ŭsioj krainie
Z pačatku studzienia Biełaruskaje tavarystva Čyrvonaha Kryža pačało apieracyju «Zima-2016» pa akazańni dapamohi nasielnictvu va ŭmovach mocnaha marozu.
Jak raskazaŭ śpiecyjalist pa padrychtoŭcy reahavańnia na nadzvyčajnyja situacyi BTČK Dźmitryj Rusakoŭ, u miežach apieracyi ŭ abłasnych haradach Biełarusi ŭstanoŭlenyja bolš za 100 pałatak abahrevu dla nasielnictva, dzie možna sahrecca haračaj harbataj i atrymać infarmacyju ab praviłach pavodzin pry nizkich tempieraturach. «Pałatki ŭstanoŭlenyja ŭ miescach vialikaj kolkaści ludziej — heta centralnyja płoščy, prypynki hramadskaha transpartu, dzie ludzi vymušanyja doŭhi čas čakać transpartu», — zaznačyŭ jon.
Taksama buduć arhanizavanyja rejdy pa haradskich śmietnikach dla akazańnia dapamohi biazdomnym. U pryvatnaści, 5 studzienia rejdy projduć u Minsku, Homieli i Viciebsku. Biazdomnym budzie akazanaja pieršaja miedycynskaja dapamoha, prapanavanaja haračaja ježa i ciopłyja rečy.
Akramia taho, čatyry aŭtamabili pracujuć na trasach i akazvajuć dapamohu kiroŭcam. «Jany pracujuć na roznych napramkach. My pracujem z aŭtaamatarami, u jakich jość radyjosuviaź, — jany nam paviedamlajuć ab zamierzłych aŭtamabilach, i my im akazvajem dapamohu. Našy numary jość u MNS i DAI, kali patrabujecca dapamoha, jany nam telefanujuć i nakiroŭvajuć naš transpart», — raskazaŭ śpiecyjalist.
Pavodle źviestak Hidramieta, maroznaje nadvor`ie zachavajecca ŭ Biełarusi bolšuju častku hetaha tydnia, uklučajučy Rastvo. U aŭtorak minimalnaja tempieratura pavietra nočču čakajecca minus 14—20°S, pry prajaśnieńniach minus 21—24°S; maksimalnaja dniom minus 8—14°S, u asobnych rajonach minus 15—17°S. Miarkujecca, što tempieratura pačnie pavyšacca z suboty.
-
Łukašenka na pieramovach u Amanie ŭstaviŭ takoje słova, što pierakładčyca na arabskuju razhubiłasia
-
U Lidzie pabralisia šlubam 15‑hadovyja chłopiec i dziaŭčyna. Samaj maładoj mamie Hrodzienščyny taksama 15
-
«U płanie byli jašče niekalki krain». Maršrut Łukašenki składali tak, kab nie nadta biła pa zdaroŭi
Ciapier čytajuć
Bietanavać hrošy — nacyjanalnaja ideja biełarusaŭ? Paraŭnali tempy budaŭnictva ŭ Biełarusi, Polščy, Litvie i Łatvii1
Kamientary