Siońnia a 16‑j u pasiołku Družny (Puchavicki rajon) adbudziecca mitynh suprać pabudovy zavodu jadachimikataŭ. Mieścičy pakul nazyvajuć padzieju «infarmacyjnaj sustrečaj», adnak nastrojenyja rašuča.
Jak paviedamiła Volha Charłamava, na sustreču abiacali pryjechać staršynia Mienskaha abłvykankamu Leanid Krupiec i pradstaŭniki pryrodaachoŭnych vorhanaŭ. Raniej užo byli praviedzienyja čatyry akcyi pratestu.
«Dla našaha maštabu akcyi byli vialikija — z dvanaccaci tysiačaŭ pryjšło 800 čałaviek. Ludzi nia vierać čynoŭnikam, bo ŭžo nia raz łavili ich na padmanie,» — kaža Volha.
Minułaj vosieńniu rasiejskaje ZAT «Firma «Avhust» damoviłasia ź biełaruskim kiraŭnictvam ab pabudovie chimičnaha zavodu. «Avhust» prapanavaŭ naładzić za svoj košt vytvorčaść «srodkaŭ abarony raślinaŭ» u svabodnaj ekanamičnaj zonie «Minsk». Ekspertyzu rasiejskaje ZAT prajšło za 12 dzion.
Kamientary