DTZ adbyłosia siońnia kala 12-j hadziny na trasie pamiž nasielenymi punktami Horžyčki-Česka Skalice. Pavodle papiaredniaj viersii miascovaj palicyi, kiroŭca nie spraviŭsia z kiravańniem na zaśniežanaj ślizkaj darozie. U vyniku aŭtobus pierakuliŭsia.
U aŭtobusie jechali 49 turystaŭ — dzieci razam z baćkami. Biełarusy nakiroŭvalisia z Prahi va Vrocłaŭ.
U Ministerstvie zamiežnych spraŭ paviedamili, što ŭ vyniku incydentu špitalizavana 15 čałaviek, dvoje ź ich — u ciažkim stanie. Zahinułych niama.
«Usim paciarpiełym akazvajecca miedycynskaja dapamoha. Paśla vyśviatleńnia miesca špitalizacyi najbolš paciarpiełych da ich vyjedzie konsulski supracoŭnik pasolstva Biełarusi ŭ Čechii», — kažuć u MZS.
Turystaŭ z surjoznymi traŭmami ŭ balnicy dastaŭlali na viertalocie.
Tyja, z kim paśla incydentu usio ŭ paradku, čakajuć adpraŭki ŭ Biełaruś. Turystyčnaja kampanija adpraviła za imi inšy aŭtobus. Pakul ź ludźmi pracujuć psichołahi češskaha MNS.
«Ambasada Biełarusi kantaktuje z palicyjaj, padraździaleńniami MNS, pradstaŭnikami turystyčnaj kampanii. Udakładniajucca śpisy paciarpiełych», — kamientujuć incydent u MZS.
38-hadovaha vajskovaha lotčyka sudziać za abrazu Łukašenki2
Kamientary