HUR paviedamiła pra padryŭ rasijskaha vajskoŭca, datyčnaha da rakietnych udaraŭ pa Ukrainie
Vajskoviec trapiŭ u epicentr vybuchu, jaki adbyŭsia ŭ jahonaj čaści, i ciapier znachodzicca pry śmierci. Pavodle źviestak HUR, jon datyčny ŭ tym liku da rakietnaha ŭdaru pa kramie i kafe ŭ vioscy Hroza Charkaŭskaj vobłaści, dzie padčas paminak 5 kastryčnika 2023 hoda zahinuła bolš jak paŭsotnia mirnych žycharoŭ.
Pra zamach na rasijskaha vajskoŭca Kanstancina Nahajku Hałoŭnaje ŭpraŭleńnie raźviedki (HUR) Ukrainy paviedamiła siońnia ŭ svaim telehram-kanale.
«3 studzienia 2025 hoda ŭ nasielenym punkcie Šuja Ivanaŭskaj vobłaści na terytoryi Rasii adbyŭsia vybuch, u epicentry jakoha apynuŭsia kamandzir batarei dyvizijona 112-j rakietnaj bryhady 1-j tankavaj armii Zachodniaj vajennaj akruhi Uzbrojenych sił RF (v/č 03333) kapitan Kanstancin Uładzimiravič Nahajka. Jon znachodziŭsia na dziažurstvie ŭ svajoj vajennaj čaści i ciapier znachodzicca pry śmierci. U Nahajki šmatlikija askiepkavyja paškodžańni faktyčna ŭsich orhanaŭ, u tym liku mozhu — jamu zrabili trepanacyju čerapa», — paviedamili ŭ HUR.
Jak śćviardžajecca, rasijski vajskoviec «niepasredna ŭdzielničaŭ u poŭnamaštabnaj vajnie suprać Ukrainy» i byŭ «datyčny da ŭdaraŭ balistyčnymi rakietami «Iskander» pa hramadzianskich i vajennych abjektach u Sumskaj i Charkaŭskaj abłaściach».
Pavodle źviestak HUR, «šancaŭ na vyžyvańnie ŭ 29-hadovaha rasijskaha zabojcy Nahajki praktyčna niama. Jaho stan krytyčny».
Rakietny abstreł vioski Hroza Kupianskaha rajona Charkaŭskaj vobłaści adbyŭsia 5 kastryčnika 2023 hoda. Rakieta trapiła ŭ kafe, dzie ŭ hety čas prachodzili paminki. Jak paviedamlałasia, tady zahinuli 53 mirnyja žychary, siarod ich — šaścihadovaje dzicia. Jak vyśvietliłasia paźniej, SBU ŭstanaviła asoby navodčykaŭ. Imi akazalisia dva miascovyja žychary — 30-hadovy Uładzimir Mamon i jaho małodšy brat 23-hadovy Dźmitryj Mamon, jakija padčas akupacyi rehijona pierajšli na bok Rasii.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary