U sacyjalnych sietkach nabiraje papularnaść videa źbićcia doktaram pacyjenta i mužčyny, jaki taho supravadžaŭ. Padziei, jakija trapili ŭ abjektyŭ kamiery nazirańnia, razhortvalisia 29 śniežnia ŭ pryjomnym pakoi adździaleńnia terapii haradskoj balnicy №2 rasijskaha Biełharada.
Na kadrach vidać, jak žančyna-doktar pravodzić pieršasny ahlad mužčyny, jaki źviarnuŭsia pa dapamohu. U niejki momant u kabiniet zachodzić jaje kaleha ŭ supravadžeńni maładoj dziaŭčyny. Doktar praktyčna z paroha staŭ pradjaŭlać pretenzii chvoramu, u rezkaj formie pacikaviŭšysia, navošta toj čapaŭ «jaho siastru».
Paśla niadoŭhaha dyjałohu supracoŭnik lačebnaj ustanovy pasprabavaŭ vyvieści svajho apanienta ŭ asobny kabiniet, paśla čaho pačaŭ źbivać jaho i mužčynu, jaki taho supravadžaŭ. Pacyjent byŭ nakaŭtavany mocnym udaram u hałavu i ŭpaŭ, tavaryš paciarpiełaha pasprabavaŭ akazać supraciŭ.
Praź niekatory čas paśla bojki adna z prysutnych u pakoi žančyn źviarnuła ŭvahu kalehaŭ na toj fakt, što mužčyna, jaki ŭpaŭ, «niejki ŭvieś sini staŭ» i nie padaje prykmiet žyćcia.
Daktary, siarod jakich byŭ i toj, jaki źbiŭ pacyjenta, pasprabavali akazać paciarpiełamu pieršuju dapamohu i pravieści reanimacyjnyja dziejańni. Miarkujučy pa słovu «ŭsio», skazanamu paśla zakančeńnia reanimacyi pierad tym jak cieła paciarpiełaha było vyniesiena ŭ inšaje pamiaškańnie, mužčyna pamior.
Pavodle infarmacyi karystalnika, jaki apublikavaŭ videa, doktar, hałoŭny fihurant spravy, adpuščany pad padpisku ab niavyjeździe.
Ciapier čytajuć
Paśla źniknieńnia śpikierki Mielnikavaj niama dostupu da rachunkaŭ Kaardynacyjnaj rady22
Kamientary