33-hadovy žychar Minska Dźmitryj Rubin u pačatku hoda adpraviŭsia ŭzychodzić na Elbrus (Kabardzina-Bałkaryja, Rasija). Padčas spusku 12 studzienia jon adstaŭ ad tavaryšaŭ z-za traŭmy i źnik. Piać dzion ratavalniki viali jaho pošuki. Dniom 16 studzienia supracoŭniki MNS znajšli cieła zahinułaha alpinista.
33-hadovy Dźmitryj Rubin žyŭ u Minsku, dzie ŭznačalvaŭ adnu z bujnych deviełopierskich kampanij. Svoj adpačynak jon vyrašyŭ pravieści ŭ harach — adpraviŭsia na Elbrus 3 studzienia. Mužčyna ŭzychodziŭ na viaršyni nie ŭpieršyniu — u minułym hodzie jon byŭ u Niepale, pastajanna śpiecyjalna treniravaŭsia.
Na Elbrus jon adpraviŭsia razam z dvuma naparnikami z Kryma — mabyć, tamu jany ŭsie byli zarehistravanyja jak hrupa, jakaja prybyła z paŭvostrava.
U druhoj pałovie dnia 16 studzienia ŭpraŭleńnie MNS Rasii pa Kabardzina-Bałkarskaj Respublicy paviedamiła, što znojdziena cieła źnikłaha turysta:
«Viaducca raboty pa transparciroŭcy zahinułaha dla dalejšaj pieradačy śledča-apieratyŭnaj hrupie pravaachoŭnych orhanaŭ».
Nadzvyčajnaje zdareńnie adbyłosia 12 studzienia padčas spusku na paŭdniovym schile Elbrusa na vyšyni prykładna 4,9 tysiačy mietraŭ, u rajonie skał Pastuchova.
Adzin z udzielnikaŭ atrymaŭ abmaražeńnie, jon pačaŭ spuskacca raniej, apiaredžvajučy naparnikaŭ. Dvoje inšych adstali, niekalki razoŭ jany padali.
«Dzima paškodziŭ ściahno. Druhi chacieŭ jamu dapamahčy, ale Dzima admoviŭsia: skazaŭ, idzi napierad, pryšleš pa mianie ratavalnikaŭ. Da łahiera było niedaloka. Kali druhi pajšoŭ,to byccam znajšoŭ pa darozie pieršaha alpinista biez prytomnaści», — raspaviadali rodnyja źnikłaha biełarusa.
U vyniku adzin z alpinistaŭ sam dabraŭsia da łahiera. Druhoha krymčanina znajšli ratavalniki, jon žyvy.
Dziasiatki ratavalnikaŭ z dapamohaj viertalota z dnia zdareńnia štodnia šukali biełarusa. Niekalki razoŭ pošuki prypyniali z-za paharšeńnia nadvorja na paŭdniovym schile Elbrusa.
Ciapier čytajuć
Mielnikava rychtavała svajo źniknieńnie i manipulavała atačeńniem. Pakul niajasna, ci dziejničała jana pa kamandzie ź Minska70
Kamientary