Zaćvierdžany novy paradak abarony śviedak

Z 25 studzienia nabyło moc Pałažeńnie ab paradku prymianieńnia mier biaśpieki ŭ dačynieńni da asob, jakija abaraniajucca. Heta hramadzianie, zdaroŭju abo žyćciu jakich niešta pahražaje praz sadziejničańnie pravasudździu, paviedamlaje Nacyjanalny pravavy partał.

Pałažeńnie zaćvierdžanaje adpaviednaj pastanovaj Savieta ministraŭ №44 (ad 21 studzieni 2016 h.). Jano pryjšło na źmienu sastarełamu dakumientu, pryniatamu u 2009 hodzie.

Zhodna z pałažeńniem, da asob, jakija abaraniajucca, naležać:

— hramadzianie, jakija akazvajuć abo akazvali sadziejničańnie na kanfidencyjnaj asnovie orhanam, što ažyćciaŭlajuć apieratyŭna-vyšukovuju dziejnaść, i ich blizkija pry najaŭnaści źviestak, jakija śviedčać pra realnuju pahrozu žyćciu, zdaroŭju i zachavanaści majomaści hetych hramadzian i ich blizkich;

— sudździ, słužbovyja asoby pravaachoŭnych i kantralujučych (nahladnych) orhanaŭ, supracoŭniki orhana dziaržaŭnaj achovy i ich blizkija pry najaŭnaści realnaj pahrozy zamachu na ich žyćcio, zdaroŭje i majomaść u suviazi sa słužbovaj dziejnaściu nazvanych słužbovych asob;

— udzielniki kryminalnaha pracesu, jakija abaraniajuć svaje ci pradstaŭlenyja pravy i intaresy, a taksama inšyja ŭdzielniki kryminalnaha pracesu, ich blizkija pry najaŭnaści dastatkovych dadzienych, jakija pakazvajuć na toje, što majecca realnaja pahroza zabojstva, prymianieńnia hvałtu, źniščeńnia abo paškodžańnia majomaści, ažyćciaŭleńnia inšych supraćpraŭnych dziejańniaŭ u dačynieńni da zhadanych asob u suviazi ź ich udziełam u kryminalnym pracesie.

Pałažeńniem vyznačany paradak prymianieńnia mier biaśpieki ŭ adpaviednaści z Zakonam Respubliki Biełaruś ad 15 lipienia 2015 h. «Ab apieratyŭna-vyšukovaj dziejnaści», u liku jakich asabistaja achova, achova žylla i majomaści; vydača śpiecyjalnych srodkaŭ indyvidualnaj abarony i abviaščeńnia ab niebiaśpiecy; časovaje źmiaščeńnie ŭ biaśpiečnaje miesca; pieravod na inšuju pracu; pierasialeńnie na inšaje miesca žycharstva; źmiena dadzienych dakumienta, jaki śviedčyć asobu, zamiena dakumientaŭ.

Taksama dakumientam ustanoŭleny paradak prymianieńnia mier biaśpieki ŭ adpaviednaści z Zakonam Respubliki Biełaruś ad 13 śniežnia 1999 hoda «Ab dziaržaŭnaj abaronie sudździaŭ, słužbovych asob pravaachoŭnych i kantralujučych (nahladnych) orhanaŭ, supracoŭnikaŭ orhana dziaržaŭnaj achovy» (u pryvatnaści, paradak źmieny źniešnaści) i prymianieńnia mier biaśpieki ŭ adpaviednaści z Kryminalna-pracesualnym kodeksam Respubliki Biełaruś.

Tak, pry najaŭnaści pradpisańnia najmalnik asoby, jakaja abaraniajecca, pavinien dać hramadzianinu pracoŭnyja adpačynki, a taksama karotkačasovy adpačynak (biez zachavańnia zarpłaty) pa siamiejna-bytavych pryčynach. Albo skasavać pracoŭny dahavor pa žadańni asoby, jakaja abaraniajecca, ŭ termin, paznačany ŭ zajavie.

Ustanovy adukacyi (abo inšaja arhanizacyja ŭ hetaj śfiery) pry nieabchodnaści zachoŭvaje miesca dla atrymańnia adukacyi za asobaj, jakaja abaraniajecca, na termin prymianieńnia mier biaśpieki.

• 0
• 0
• 0
• 0
• 0
• 0
• 0
• 0