Biełaruskaja vykanaŭca Nastaśsia Lejkina stała pieramožcaj pieršaha mižnarodnaha muzyčnaha internet-konkursu Your Voice 2016 («Tvoj hołas»).
Nastaśsia apiaredziła kankurentaŭ z 29 krain i zavajavała simpatyi internet-hledačoŭ i žury. Kampazitar i pradziusar Lejkinaj Vadzim Ruzaŭ nie ŭtojvaje radaści z nahody pośpiechu padapiečnaj. «Novaja zoračka zapaliłasia na niebaschile biełaruskaha šou-biźniesu. Nastaśsia śpiavaje pranikliva, ščyra. Mienavita hetyja jakaści i padkupili arhanizataraŭ internet-prajekta Your Voice 2016. Jany prapanavali Nastaśsi pryniać udzieł u konkursie ad Čechii, pakolki pradstaŭnik ad Biełarusi ŭžo byŭ vybrany», — raskazaŭ Vadzim Ruzaŭ.
Pavodle ŭmoŭ konkursu, vybranyja ad kožnaj krainy artysty pradstavili videa svajho vykanańnia. Usie materyjały raźmiaščalisia ŭ internecie i byli dastupny dla karystalnikaŭ. Hałasavańnie hledačoŭ i žury, u skład jakoha ŭvajšli artysty z roznych krain, u tym liku pieramožcy i ŭdzielniki piesiennych prajektaŭ, prachodziła ŭ režymie anłajn. Bolš za ŭsio bałaŭ — 709 — nabrała videa Nastaśsi Lejkinaj ź pieśniaj Łary Fabijan Je suis malade. Mienavita z hetaj pieśniaj biełaruska stała lidaram prajekta «Śpiavajučyja harady. Treci siezon».
Dla Nastaśsi jak pieramožcy arhanizatary internet-konkursu napišuć pieśniu i pradastaviać mahčymaść źniać na jaje videaklip z nastupnaj papularyzacyjaj u Suśvietnaj pavucinie.
22-hadovaja Nastaśsia Lejkina stała viadomaj dziakujučy paśpiachovamu ŭdziełu ŭ muzyčnych prajektach i konkursach. Ciapier dziaŭčyna pracuje nad novymi pieśniami, jakija napisaŭ dla jaje Vadzim Ruzaŭ. Taksama jana maje namier udzielničać u adbory na konkurs «Słavianskaha bazaru ŭ Viciebsku».
Što zapisana aficyjnaj pryčynaj śmierci adzinaha syna Jarmošynaj?9
Kamientary