Paŭnočnaja Kareja paśpiachova zapuściła rakietu sa spadarožnikam dla nazirańnia za Ziamloj Kwangmyongsong-4. Pra heta u niadzielu, 7 lutaha, paviedamlajecca na sajcie Centralnaha telehrafnaha ahienctva krainy (CTAK).
Rakietu-nośbit zapuścili ŭ 9:00 pa miascovym časie (03:30) z kasmadroma Soche na paŭnočnym zachadzie krainy. Spadarožnik vyjšaŭ na zadadzienuju arbitu praź dzieviać chvilin paśla startu. Pieryjad zvarotu vakoł Ziamli skłaŭ 94 chviliny.
Paviedamleńnie ab paśpiachovym zapusku štučnaha spadarožnika Ziamli taksama pieradali pa Centralnym telebačańni KNDR.
Prezident Paŭdniovaj Karei Pak Kyn Chie paviedamiła, što KNDR zapuściła rakietu vialikaj dalokaści. Jana zapatrabavała nieadkładnaj reakcyi Rady Biaśpieki AAN. Dziaržsakratar ZŠA Džon Kery adznačyŭ, što zapusk rakiety pahražaje nie tolki karejskamu rehijonu, ale i mižnarodnym sajuźnikam, u pryvatnaści, ZŠA.
Hienieralny sakratar AAN Pan Hi Mun nazvaŭ zapusk pravakacyjaj i zaklikaŭ KNDR vykonvać mižnarodnyja abaviazacielstvy. U svajoj zajavie jon adznačyŭ, što Pchieńjan parušyŭ rezalucyi Rady Biaśpieki AAN, niahledziačy na prośbu suśvietnaj supolnaści nie dapuskać hetaha.
U niadzielu ŭ 11.00 (19:00) AAN projdzie ekstrannaje pasiadžeńnie Rady Biaśpieki.
U studzieni KNDR paviedamiła ab paśpiachovym vyprabavańni vadarodnaj bomby.
Rakieta vialikaj dalokaści moža «dastavić» jadziernuju bojehałoŭku ŭ lubuju kropku Ziamli. Apynuŭšysia ŭ rukach niepradkazalnaha režyma, jana stvaraje vialikuju niebiaśpieku dla ŭsiaho śvietu.
Kamientary