Паўночная Карэя паспяхова запусціла ракету са спадарожнікам для назірання за Зямлёй Kwangmyongsong-4. Пра гэта у нядзелю, 7 лютага, паведамляецца на сайце Цэнтральнага тэлеграфнага агенцтва краіны (ЦТАК).
Ракету-носьбіт запусцілі ў 9:00 па мясцовым часе (03:30) з касмадрома Сохэ на паўночным захадзе краіны. Спадарожнік выйшаў на зададзеную арбіту праз дзевяць хвілін пасля старту. Перыяд звароту вакол Зямлі склаў 94 хвіліны.
Паведамленне аб паспяховым запуску штучнага спадарожніка Зямлі таксама перадалі па Цэнтральным тэлебачанні КНДР.
Прэзідэнт Паўднёвай Карэі Пак Кын Хе паведаміла, што КНДР запусціла ракету вялікай далёкасці. Яна запатрабавала неадкладнай рэакцыі Рады Бяспекі ААН. Дзяржсакратар ЗША Джон Кэры адзначыў, што запуск ракеты пагражае не толькі карэйскаму рэгіёну, але і міжнародным саюзнікам, у прыватнасці, ЗША.
Генеральны сакратар ААН Пан Гі Мун назваў запуск правакацыяй і заклікаў КНДР выконваць міжнародныя абавязацельствы. У сваёй заяве ён адзначыў, што Пхеньян парушыў рэзалюцыі Рады Бяспекі ААН, нягледзячы на просьбу сусветнай супольнасці не дапускаць гэтага.
У нядзелю ў 11.00 (19:00) ААН пройдзе экстраннае пасяджэнне Рады Бяспекі.
У студзені КНДР паведаміла аб паспяховым выпрабаванні вадароднай бомбы.
Ракета вялікай далёкасці можа «даставіць» ядзерную боегалоўку ў любую кропку Зямлі. Апынуўшыся ў руках непрадказальнага рэжыма, яна стварае вялікую небяспеку для ўсяго свету.
Каментары