Dźvie małyja dziaŭčynki-pandački ŭ kitajskaj pravincyi Syčuań, jakim niekalki miesiacaŭ vybirali imiony, ciapier zavucca Alimpija i Fuva.
Małyja pandy žyvuć na daśledčaj bazie pa vyvučeńni i hadoŭli pandaŭ u horadzie Čendu, na paŭdniovym zachadzie Kitaja.
Paśla ich naradžeńnia 22 červienia minułaha hoda daśledčyki paprasili ŭsich dasyłać svaje prapanovy imionaŭ. Ad lipienia da vieraśnia ich pastupiła 3000, pry hetym 900 — ad zamiežnikaŭ, paviedamlaje ahienctva Sinchua.
U rešcie rešt, pieramahli imiony Alimpija i Fuva (talisman Alimpijskich hulniaŭ u Piekinie ŭ 2008 hodzie) paśla taho, jak u finał uvajšli 5 par nazvaŭ.
Hetyja dziaŭčaty-pandački viadomyja ŭ śviecie dziakujučy svaim rodnym. Ich mama Kielin trapiła ŭ padborku «Samyja niečakanyja fota 2013 hoda» pa viersii časopisa Time:
Na tym fota Kielin hladzić videa połavaha aktu inšych pand. Supracoŭniki bazy ŭ Čendu zrabili heta dla taho, kab Kielin pierastała adprečvać zalacańni svajho partniora i pasprabavała zaciažaryć.
Paśla prahladu videa, Kielin taki zaciažaryła.
A dziadula pand Kobi byŭ nazvany ŭ 1992 hodzie byłym prezidentam Mižnarodnaha alimpijskaha kamiteta Chuanam Antonia Samarančam. Ułasna, imia «Kobi» — heta nazva talismana alimpijskich hulniaŭ u Barsiełonie ŭ 1992 hodzie.
A naradžajuć pandy voś takimi maleńkimi. fota panda.org.cn
U dzikaj pryrodzie žyvie mienš za 2000 pand, pieravažna ŭ pravincyjach Syčuań i Šeńsi.
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2
Kamientary