Дзве малыя дзяўчынкі-пандачкі ў кітайскай правінцыі Сычуань, якім некалькі месяцаў выбіралі імёны, цяпер завуцца Алімпія і Фува.
Малыя панды жывуць на даследчай базе па вывучэнні і гадоўлі пандаў у горадзе Чэнду, на паўднёвым захадзе Кітая.
Пасля іх нараджэння 22 чэрвеня мінулага года даследчыкі папрасілі ўсіх дасылаць свае прапановы імёнаў. Ад ліпеня да верасня іх паступіла 3000, пры гэтым 900 — ад замежнікаў, паведамляе агенцтва Сінхуа.
У рэшце рэшт, перамаглі імёны Алімпія і Фува (талісман Алімпійскіх гульняў у Пекіне ў 2008 годзе) пасля таго, як у фінал увайшлі 5 пар назваў.
Гэтыя дзяўчаты-пандачкі вядомыя ў свеце дзякуючы сваім родным. Іх мама Келін трапіла ў падборку «Самыя нечаканыя фота 2013 года» па версіі часопіса Time:
На тым фота Келін глядзіць відэа полавага акту іншых панд. Супрацоўнікі базы ў Чэнду зрабілі гэта для таго, каб Келін перастала адпрэчваць заляцанні свайго партнёра і паспрабавала зацяжарыць.
Пасля прагляду відэа, Келін такі зацяжарыла.
А дзядуля панд Кобі быў названы ў 1992 годзе былым прэзідэнтам Міжнароднага алімпійскага камітэта Хуанам Антоніа Самаранчам. Уласна, імя «Кобі» — гэта назва талісмана алімпійскіх гульняў у Барселоне ў 1992 годзе.
А нараджаюць панды вось такімі маленькімі. фота panda.org.cn
У дзікай прыродзе жыве менш за 2000 панд, пераважна ў правінцыях Сычуань і Шэньсі.
Цяпер чытаюць
Пратасевіч зноў жэніцца — цяпер з таролагам Настассяй, якая працавала ў элітным медцэнтры «Мерсі»8
Каментары