Staršynia Patryjaršaj kamisii pa pytańniach siamji, abarony maciarynstva i dziacinstva Dzimitryj Śmirnoŭ zajaviŭ u intervju radyjostancyi «Hovorit Moskva», što padtrymlivaje ideju pabudavać na miescy źniesienych u Maskvie šapikaŭ nievialikija cerkvy.
Pavodle jaho słoŭ, u rasijskaj stalicy chramy pierapoŭnienyja, a volnych učastkaŭ dla novych cerkvaŭ nie chapaje.
«Patryjarch Aleksij adnojčy skazaŭ: čym bolš chramaŭ, tym mienš turmaŭ. Tamu chramy — heta sprava takaja vyhadnaja. U pryncypie heta vielmi razumnaja dumka. My možam, viadoma, tolki vitać. Kali chram u krokavaj dastupnaści, to adrazu kolkaść jaho naviedvańniaŭ pavialičycca», — patłumačyŭ śviatar.
Jon dadaŭ, što abmiarkuje hetuju ideju ź mitrapalitam.
U noč na aŭtorak u Maskvie pačałasia maštabnaja kampanija pa znosie handlovych paviljonaŭ. Usiaho, jak zajaŭlajuć ułady, płanujecca źnieści 97 budynkaŭ. Znosu padlahajuć «handlovyja paviljony, pabudavanyja na praciahu apošnich dvuch dziasiatkaŭ hadoŭ biez dazvalenčych dakumientaŭ», jakija byli ŭźviedzienyja jašče ŭ dzievianostyja hady minułaha stahodździa.
Mnohija ŭładalniki šapikaŭ śćviardžajuć, što majuć aficyjny dazvoł na svaju dziejnaść i prajšli nieabchodnyja dazvolnyja pracedury.
Sacyjalnyja sietki poŭniacca fatahrafijami i videarolikami ź miescaŭ znosu. Pa słovach karystalnikaŭ, uładalniki kramak akazalisia absalutna niehatovymi da likvidacyi — na fota vidać, jak sa znosimych pamiaškańniaŭ vynosiać skryni z tavaram.
U śpis abjektaŭ, jakija padlahajuć znosu, patrapili jak nievialikija šapiki, tak i bujnyja handlovyja paviljony.
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli65
Alaksandr Łukašenka tak lasnuŭsia na lod na chakiei, što trybuny zamierli
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
Kamientary