Biełarusam pa hiematałahičnym fienatypie najbolš blizkija niemcy i palaki
Biełarusam pa fienatypie — sukupnaści charaktarystyk, ułaścivych indyvidu na peŭnaj stadyi raźvićcia — najbolš blizkija niemcy i palaki. Pra heta ŭ efiry Sb.by paviedamiŭ kiraŭnik Respublikanskaha centra hiematałohii i pierasadki kaściavoha mozhu Anatol Us.
«Čamu donary ź inšych krain pavinny vykarystoŭvacca dla našych hramadzian? Tym bolš za hrošy. Čamu my sami sabie nie možam stvaryć nieabchodnyja ŭmovy dla hetaha? U Polščy bolš za 700 tysiač dobraachvotnych donaraŭ. My zaŭsiody znachodzim donaraŭ, u asnoŭnym u poli donaraŭ Polščy ci Niamieččyny. Cikavy fakt: kali my paraŭnali dadzienyja pa fienatypie roznych krain, akazałasia, što biełarusy najbolš blizkija, pa zrazumiełych pryčynach, niemcam i palakam», — raspavioŭ hałoŭny hiematołah Ministerstva achovy zdaroŭja.
Fienatyp — sukupnaść źniešnich i ŭnutranych prykmiet arhanizma, nabytych u vyniku antahieniezu (indyvidualnaha raźvićcia). Faktary, ad jakich zaležyć fienatypičnaja raznastajnaść: hienietyčnaja prahrama (hienatyp), umovy asiarodździa i častata vypadkovych źmien (mutacyi), abahulnieny ŭ nastupnaj zaležnaści: hienatyp + źniešniaje asiarodździe + vypadkovyja źmieny → fienatyp.
Kamientary