Zasnavalnik ABS: «Nie razumieju ludziej, jakim pašancavała naradzicca ŭ Biełarusi i jakija niezadavolenyja hetym vybaram losu»
Hrodzienski biznesoviec Ivan Maisiejeŭ, jaki vałodaje firmaj ABC (vypuskaje kansiervy i soki), a taksama handlovym domam «Nioman», daŭ intervju časopisu TimeCity. U im raskazvajucca pieršyja ŭražańni miljaniera ad Biełarusi.
— Ja sam rodam ź Piermskaha kraju, tamu viedaju, što Stalin nie darma abraŭ tamtejšyja miescy dla «turmy narodaŭ».
Tam nie raście ničoha, leta karotkaje, klimat rezka kantynientalny. Moj baćka biŭsia-biŭsia, kab choć niešta ŭ kałhasie vyraścić. Ludzi adtul źjazdžali, jak tolki źjaŭlałasia mahčymaść. Tak i my ŭ svoj čas pierajechali ŭ Krym, u Bachčysarajski rajon. Ja viedaju, što takoje niełaskavaja ziamla, tamu ščyra nie razumieju ludziej, jakim pašancavała naradzicca ŭ Biełarusi i jakija ŭmudrajucca być niezadavolenymi hetym vybaram losu. Vam dadzieny vydatnyja mahčymaści, uradlivaja ziamla, vydatnaja pryroda, pracavityja susiedzi — dyk radujciesia i damahajciesia pośpiechu, nie marnujcie čas na stohny i skarhi! Heta samaje biessensoŭnaje, što čałaviek u svaim žyćci moža zrabić.
— Jak vy, uradženiec Piermskaha kraju, trapili ŭ Biełaruś?
— Absalutna vypadkova! Prosta praspaŭ adpraŭku svajoj kamandy ŭ vajenkamat. Mianie ŭ vojska pryzyvali z Kryma, kudy naša siamja pierajechała ŭ 1973 hodzie.
I voś kamandu, u jakuju ja pavinien byŭ trapić, adpravili na kitajskuju miažu, a ja ŭ hety momant zadramaŭ u kucie, mianie tak i nie daklikalisia na pastrajeńnie.
A praź niekatory čas pamiežniki pierakinuli maje dakumienty ŭ inšuju partyju i adpravili ŭ procilehłym kirunku — u Hrodna. Maci la ścien vajenkamata jašče ŭ aficeraŭ pierapytvała: «U Hrozny?» «Nie, — kažuć joj, — u Hrodna!» Što heta za horad taki, dzie jon — my i nie viedali. A tut adsłužyŭ, jak naležyć, spyniŭ niamała kantrabandy, asabista zatrymaŭ čatyroch parušalnikaŭ dziaržaŭnaj miažy. Niekalki našych tavaryšaŭ pa słužbie pastupili ŭ Hrodzienski ŭniviersitet. U toj čas šanavali pamiežnikaŭ: da nas na zastavu navat pryjazdžali vykładčyki, zaprašali pastupać. A ŭ mianie hrudzi ŭ miedalach — prosty šlach na jurfak! Potym ažaniŭsia, potym biźnies pačaŭsia, tak voś los i rasparadziŭsia, što ja svajo ščaście ŭ žyćci nie praspaŭ, a naadvarot, možna skazać, u śnie ŭbačyŭ!
Ciapier čytajuć
Raman Pratasievič asvoiŭ prafiesiju barmiena i adšukaŭ pracu. Voś u jakim bary možna jaho znajści16
Kamientary