Słavutaja rasijskaja tenisistka, byłaja pieršaja rakietka śvietu Maryja Šarapava siońnia paviedamiła, što ŭ jaje kryvi padčas turniru Australian Open byŭ znojdzieny zabaronieny preparat.
Tenisistka paviedamiła, što doŭhi čas prymała preparat miłdranat, jaki niadaŭna byŭ uniesieny ŭ śpis zabaronienych. Šarapava śćviardžaje, što prosta prapuściła toj momant, kali miłdranat unieśli ŭ čorny śpis.
Va ŭmovach pavyšanaj napružanaści miłdranat uznaŭlaje raŭnavahu pa dastaŭcy i ŭžyvańniu kletkami kisłarodu, taksama maje tanizujučy efiekt. Pry dapamozie miłdaranta arhanizm chutka ŭznaŭlajecca, preparat dapamahaje vytrymlivać vialikija nahruzki.
«Ja dapuściła ahramadnuju pamyłku, padviała zaŭziataraŭ i padviała sport, jakim zajmajusia ad 4 hadoŭ», — skazała Maryja.
Šarapavaj 28 hadoŭ. Jana maje biełaruskaje pachodžańnie. Jaje baćki rodam z Homiela, tam žyvie jaje babula. Baćki pieriechali ŭ Sibir praź niekalki miesiacaŭ paśla Čarnobylskaj katastrofy.
Šarapava maje piać pieramoh u turnirach sieryi «Vialikaha šlemu». Za svaju karjeru ŭ tenisie jana zarabiła bolš za 36 miljonaŭ dalaraŭ pryzavych.
Kali za dzień da siońniašniaha Šarapava pryznačyła pres-kanfierencyju, to ŭsie dumali, što havorka pojdzie, ci pra sychod sa sportu, ci pra ciažarnaść Maryi.
«Ja nie chaču hetkim čynam skančvać karjeru i spadziajusia, što ŭ mianie budzie jašče adzin šaniec», — adznačyła rasijanka. Pakul nie paviedamlajecca jakoje ž mienavita pakarańnie paniasie spartsmienka.
Raniej hučny dopinh-skandał byŭ u rasijskaj zbornaj pa lohkaj atletycy.
Hladzi taksama: instahram Maryi Šarapavaj.
Apytanka
-
Ukrainiec Alaksandr Usik znoŭ pieramoh Tajsana Fjury i abaraniŭ tytuł čempijona śvietu pa boksie ŭ supierciažkaj vazie
-
Biełaruskich kańkabiežcaŭ dapuścili da alimpijskaj kvalifikacyi ŭ niejtralnym statusie
-
Biełaruś zastałasia na 52-m miescy ŭ tablicy kaeficyjentaŭ UEFA i pazbaviłasia čaćviortaha kłuba ŭ jeŭrakubkach u siezonie-2026/27
Što aznačaje zahadkavy kod R99 u pryčynach śmierci Uładzimira Makieja i Vitolda Ašurka?5
Kamientary