«Aniekdot!». Zialenski vykazaŭ usio, što dumaje pra pasiarednictva Orbana
Prezident Ukrainy Uładzimir Zialenski čarhovy raz raskrytykavaŭ vienhierskaha premjer-ministra Viktara Orbana za sproby «pasiarednictva» ŭ spravie dasiahnieńnia miru va Ukrainie, adznačyŭšy, što toj nie maje ryčahoŭ upłyvu na dziaržavu-ahresara. Pra heta Zialenski skazaŭ na pasiadžeńni Usieŭkrainskaha kanhresa miascovych i rehijanalnych uładaŭ 17 śniežnia, paviedamlaje «Jeŭrapiejskaja praŭda».
Zialenski padkreśliŭ, što Ukraina — mocnaja dziaržava, jakaja zaśviedčyła heta na poli boju padčas usioj ahresii Pucina.
«U kahości inšaha ŭ Jeŭropie jość taki dośvied ciapier? Ni ŭ kaho. U Orbana jość takaja armija? Nie. Jak jon budzie cisnuć na Pucina? Aniekdotam, uśmieškaj? Chaj sabie pakinie», — zajaviŭ jon.
Asobna Zialenski adznačyŭ, što Ukrainie patrebnyja niepasrednyja stasunki z ZŠA biez pasiarednikaŭ.
«Premjer Orban, jaki choča, ci viedajecie, «niejak tam, dzieści tam…» — nie atrymajecca. Ja jaho nie pušču i takich, jak jon», — dadaŭ prezident Ukrainy, padkreśliŭšy, što havorka idzie mienavita pra premjer-ministra Vienhryi, a nie pra vienhierski narod, jaki padtrymlivaje Ukrainu.
I da taho napružanyja adnosiny pamiž Kijevam i Budapieštam abvastrylisia paśla taho, jak na minułym tydni Viktar Orban patelefanavaŭ Uładzimiru Pucinu. Paśla hetaha Orban zajaviŭ, što, maŭlaŭ, prapanoŭvaŭ Ukrainie abviaścić na Kalady režym spynieńnia ahniu i maštabny abmien vajennapałonnymi, ale Uładzimir Zialenski nibyta adchiliŭ hetuju ideju.
Tady ŭkrainski prezident vykazaŭ nadzieju, što Orban «nie budzie chacia b Asadu ŭ Maskvu telefanavać, kab pasłuchać jašče i jahonyja hadzinnyja lekcyi».
Orban prapanavaŭ Pucinu abviaścić kaladnaje pieramirje i pravieści bujny abmien pałonnymi
Tramp zaprasiŭ Si Czińpina na svaju inaŭhuracyju
Premjer Vienhryi Viktar Orban zaklikaŭ pierahledzieć sankcyi suprać Rasii
Orban zajaviŭ pra parazu Ukrainy ŭ vajnie z Rasijaj
U Jeŭraparłamiencie Viktara Orbana praviali z trybuny pieśniaj Bella Ciao
Kamientary