Usieahulny schod suzanavalnikaŭ Jeŭrapiejskaha humanitarnaha ŭniviersiteta (EHU) zaćvierdziŭ Pasła Litvy pa asablivych daručeńniach pa Uschodnim partniorstvie d-ra Žyhimantasa Pavilonisa i šviedskaha dypłamata Lenarta Bohie ŭ jakaści čalcoŭ Kiraŭničaj rady EHU, paviedamlaje sajt VNU.
23 lutaha padčas pasiedžańnia Usieahulnaha schoda suzasnavalnikaŭ EHU było pryniata rašeńnie ab zaćvierdžańni novych čalcoŭ Kiraŭničaj rady EHU, jakimi stali Pasoł Litvy pa asablivych daručeńniach pa Uschodnim partniorstvie d-r Žyhimantas Pavilonis i były Prezident Mižnarodnaha fonda sielskahaspadarčaha raźvićcia AAN Lennart Bohie.
EHU i Pasoł Žyhimantas Pavilonis ščylna supracoŭničajuć na praciahu doŭhich hadoŭ. Ministerstva zamiežnych spraŭ Litvy i sam sp. Pasoł prykłali vielizarnyja namahańni dla adnaŭleńnia dziejnaści EHU ŭ Vilni i praciahvajuć akazvać univiersitetu aktyŭnuju palityčnuju padtrymku.
Paśla taho, jak praf. Daniel Taršys pakinuŭ pasadu staršyni Kiraŭničaj rady EHU, Šviecyju – jak adnu za asnoŭnych krain-donaraŭ EHU – budzie pradstaŭlać Lenart Bohie, jaki znachodzicca na dypłamatyčnaj słužbie Šviecyi z 1974 h.
Kiraŭničaja rada EHU adkazvaje za stratehičnaje kiraŭnictva, finansavańnie i efiektyŭnuju dziejnaść univiersiteta. U jaje skład uvachodziać viadomyja dziejačy ŭ halinie vyšejšaj adukacyi z usiaho śvietu. Na dadzieny momant Kiraŭničaja rada składajecca z 16 čalcoŭ. Abaviazki Staršyni Rady časova vykonvaje byłaja namieśnica prarektara Kiembrydžskaha ŭniviersiteta En Łonsdejł.
Žyhimantas Pavilonis — litoŭski dypłamat i dziaržaŭny dziejač, były sakratar Ministerstva zamiežnych spraŭ Litvy. Z 2010 h. zajmaŭ pasadu Pasła Litoŭskaj Respubliki ŭ ZŠA i Mieksicy. U ciapierašni čas d-r Pavilonis zajmaje pasadu Pasła Litvy na asablivych daručeńniach pa Uschodnim partniorstvie.
Lenart Bohie — šviedski dypłamat, była Stały sakratar Šviedskaj ahiencyi pa raźvićci navukovaha supracoŭnictva z krainami, jakija raźvivajucca, były Pasoł Šviecyi. U 2001-2009 hh. sp. Bohie byŭ Prezidentam Mižnarodnajaha fonda sielskahaspadarčaha raźvićcia AAN.
Ciapier čytajuć
U Sudanie paŭstancy źbili samalot ź biełaruskim vajskovym lotčykam. Voś što pra jaho viadoma2
Kamientary