16 krasavika 2006 hodu ŭ Zasłaŭi praviedzieny V plener malavanaha dyvana, pryśviečany słavutaj narodnaj majstarcy Alenie Kiš, 100-hadovy jubilej jakoj adznačajecca sioleta. Dla ŭdzielnikaŭ pleneru abvieščana 3 temy i 3 naminacyi: akramia temy žyćcia i tvorčaści Aleny Kiš, temy Vialikadnia i ctaražytnaha Zasłaŭja.
16 krasavika 2006 hodu ŭ Zasłaŭi praviedzieny V plener malavanaha dyvana, pryśviečany słavutaj narodnaj majstarcy Alenie Kiš, 100-hadovy jubilej jakoj adznačajecca sioleta. Dla ŭdzielnikaŭ pleneru abvieščana 3 temy i 3 naminacyi: akramia temy žyćcia i tvorčaści Aleny Kiš, temy Vialikadnia i ctaražytnaha Zasłaŭja.
Plener, što staŭ tradycyjnym, abjadnoŭvaje mastakoŭ vielmi roznych pavodle ŭzrostu, adukacyi, tvorčaha dośviedu. Dla hetaha jość važkija padstavy, jakija ŭtrymlivajucca ŭ samoj tradycyi narodnaha mastactva, u pryvatnaści — u malavanych dyvanach Aleny Kiš i inšych majstroŭ hetaha vidu mastactva.
U Zasłaŭskim muzei-zapaviedniku sabrana najbolšaja ŭ Biełarusi kalekcyja rarytetnych malavanych dyvanoŭ. U joj majsterstva Aleny Kiš reprezentavanaje jaje najlepšymi tvorami, tamu zusim naturalna, što Zasłaŭje pieraŭtvaryłasia ŭ toj asiarodak, dzie hety samabytny tradycyjny dla Biełarusi vid narodnaj tvorčaści trapiŭ pad pilnuju ŭvahu sučasnych mastakoŭ i daśledčykaŭ mastactva. Tut pavodle mastactva malavanaha dyvana pravodziacca navukovyja kanferencyi, na jakich viadomyja mastactvaznaŭcy i dziejačy mastactva vykazvajuć svaje dumki i teoryi, ładziacca i plenery, vystavy malavanaha dyvana, dzie mastaki samych roznych pahladaŭ i tvorčych stylaŭ sprabujuć adšukać poviaź u svajoj tvorčaści z tymi hłybinnymi płastami śvietabačańnia, što ŭvasoblenyja ŭ lepšych tvorach našych słavutych majstroŭ insytnaha mastactva.
Volnaja impravizacyja, dastupnaść i lohkaść techničnaha vykanańnia, dekaratyŭnaść i vyraznaść formaŭ, lakaničnaje i jasnaje vykazvańnie idei pryvablivajuć pasprabavać siabie ŭ hetym vidzie tvorčaści absalutna roznych ludziej. Časam hledačy, što trapili na plener vypadkova, z achvotaj biarucca za pendźli i dałučajucca da pracesu malavańnia, demanstrujučy cikavyja vyniki. Zaŭždy śviata pleneru ŭtvaraje tuju niezvyčajnuju atmasferu, dzie panuje adziny tvorčy paryŭ, što zdolny abjadnać samych roznych ludziej, ścirajučy roznaść uzrostaŭ, prafesijnaj padrychtoŭki, tvorčych manieraŭ. Heta jak na śviacie Kupalla, dzie vohnišča adradžaje niešta hłybinnaje, patajemnaje ŭ schovach duš roznych ludziej — i stałych, i maładych.
Ahranizatarami pleneru, jak zaŭždy, stali mastaki, što žyvuć i pracujuć u Zasłaŭi i ŭvachodziać u Tvorčaje hramadzkaje abjadnańnie «Mastak». Da ich dałučylisia studenty Biełaruskaj dziaržaŭnaj akademii mastactvaŭ, vučni mastackaha kaledžu im.Ivana Achremčyka. Pobač malavali viadomyja biełaruskija mastaki — vykładčyca Akademii mastactvaŭ Volha Sazykina, mastak Aleś Maračkin, skulptary Aleś Šaternik i Henik Łojka i inšyja.
Plener prachodziŭ padčas śviata pravasłaŭnaj Vierbnaj niadzieli na vulicy Zamkavaj, što viadzie da zasłaŭskaha chramu i staradaŭnich Vałoŭ. Tysiačy žycharoŭ Zasłaŭja ŭ hety śviatočny soniečny dzień nazirali za pracaj mastakoŭ, zadavali pytańni, aktyŭna ŭdzielničali ŭ abmierkavańni tvoraŭ. Dobraje nadvorje, šmatludnaja śviatočnaja atmasfera spryjali tvorčamu nastroju i źjaŭleńniu mnohich vydatnych, aryhinalnych tvoraŭ. Malavanyja dyvany z hetaha pleneru buduć pakazany na roznych mastackich vystavach i, biezumoŭna, stanuć zdabytkam samabytnaha i ŭ mnohim sučasnaha vidu mastactva Biełarusi.
Ciapier čytajuć
Statkievič raskazaŭ, jak vyžyvaŭ u źniavoleńni. I čym zajmajecca ciapier1
Kamientary