Sud Homielskaha rajona vynies čarhovy prysud u dačynieńni da žančyny 1978 hoda naradžeńnia, što handlavała «naturalnym miodam», jaki jana vyrablała biez udziełu pčoł z cukru, vady i cytrynavaj kisłaty.
Pradukt machlarka pradavała ŭ asnoŭnym piensijanieram, jakija žyvuć u pryvatnym siektary, vioskach i na dačach. Źvierchu ŭ banki žančyna sapraŭdy kłała naturalny miod, a asnoŭny skład zastavaŭsia niaźmiennym — cukrovy sirop.
Jak paviedamiŭ pamočnik prakurora Homielskaha rajona Raman Kamiankoŭ, žančyna pry prodažy «miodu» piensijanieram nie hrebavała i prychapić toje, što «drenna lažyć» — naprykład, hrošy. Pa sukupnaści žančyna ździejśniła dzieviać epizodaŭ machlarstva i piać spadarožnych kradziažoŭ. Pavodle prysudu joj pryznačana pakarańnie ŭ vyhladzie dvuch z pałovaj hadoŭ pazbaŭleńnia voli.
Raniej abvinavačanaja ŭžo 11 raz paŭstavała pierad sudom za machlarstva i kradziažy. Apošnija jaje terminy byli za «miod». Na sudzie jana patłumačyła, što nie ŭmieje rabić ničoha inšaha, akramia jak «varyć miod» i pradavać davierlivym piensijanieram.
Na svabodzie paśla vychadu z turmy žančyna doŭha nie zatrymlivałasia. Da prykładu, vyzvaliŭšysia ŭ žniŭni 2014 hoda, užo vosieńniu taho hoda jana pačała ździajśniać machinacyi ź miodam. 9 studzienia 2015 hoda hamialčanka znoŭ była asudžanaja, i znoŭ za prodaž cukrovaha siropu. U sakaviku 2016 hodu — novy prysud za «miod».
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary