Skandał pamiž Lucyjaj Łuščyk i Iłonaj Hieraščanka praciahvajecca: da jaho dałučyłasia papularnaja rasiejskaja błohierka
Skandał, hierojami jakoha stali biznesoviec Andrej Hieraščanka, jahonaja byłaja žonka Iłona Hieraščanka i novaja žonka Lusia Łuščyk, nie tolki nie ścichaje, a jašče i nabiraje abaroty.
![](http://nnexpictures.fra1.digitaloceanspaces.com/img/w732d4webp1/photos/z_2016_03/luszczyk160204-5-16-03-2016uojw-zbma3.jpg.webp)
Nahadajem, što razam sa svaim novym mužam, biznesoŭcam Andrejem Hieraščankam, Łuščyk davoli niepryhoža zmahajecca za jahonuju dačku.
![](http://nnexpictures.fra1.digitaloceanspaces.com/img/w732d4webp1/photos/z_2016_03/1018864349-22a---16-03-20163k-lq080.jpg.webp)
Jak śćviardžaje mama hetaj dziaŭčynki, Iłona Hieraščanka, jaje abmiažoŭvajuć u mahčymaściach bačycca z dačkoj. Bolš za toje, Łuščyk sprabavała dyskredytavać Iłonu ŭ prysutnaści dziaŭčynki, pra što śviedčyła videa, jakoje vykłała ŭ sieciva Hieraščanka.
Taksama Hieraščanka stvaryła interniet-pietycyju, pad jakoj pakinuli podpisy bolš za 9 tysiač čałaviek. U pietycyi jana spadziavałasia, što sprava nabiare rozhałas i heta dapamoža viarnuć dačku. Praŭda, Viarchoŭny sud Biełarusi razhladaŭ spravu i pakinuŭ dačku z baćkam.
Ciapier da skandału dałučyłasia i papularnaja rasiejskaja błohierka-tysiačnica Alena Miro.
![](http://nnexpictures.fra1.digitaloceanspaces.com/img/w732d4webp1/photos/z_2016_03/miro_alena-ejxpp.jpg.webp)
U jaje błohu za čatyry dni vyjšła ažno dva dopisy, pryśviečanyja hetaj historyi. U ich błohierka plažyć Łuščyk, nazyvajučy tuju «kałhaśnicaj» i «ściarviacinaj», zaklikaje padpisać jašče adnu pietycyju, skiravanuju da Ryhora Kisiala, kiraŭnika ANT. Pietycyja patrabuje zvalnieńnia Łuščyk «za amaralnyja pavodziny». Na dadzieny momant pad joj padpisalisia bolš za 6 tysiač čałaviek.
Pryčyna takoj aktyŭnaści błohierki prostaja – jana sama kaža, što siabruje ź Iłonaj Hieraščanka. Pry hetym błoh Miro uvachodzić u lik samych papularnych u Runecie.
Kamientary