Niekalki ŚMI rychtujuć «nieprykrytuju zakaznuju infarmacyjnuju ataku» na Pucina i jaho atačeńnie, zajaviŭ žurnalistam pres-sakratar prezidenta Rasii Dźmitryj Piaskoŭ.
«Čarhovy infarmacyjny ŭkid, pretendujučy na abjektyŭnaść, rychtujecca ŭ najbližejšyja dni. My atrymali vielmi liślivyja zapyty, składzienyja ŭ maniery dopytu, ad arhanizacyi, jakaja nazyvaje siabie Mižnarodnym kansorcyumam žurnalisckich rasśledavańniaŭ», — skazaŭ Piaskoŭ.
Pavodle jaho słoŭ, publikacyi rychtujucca ŭ bližejšyja dni ŭ Hiermanii, ZŠA, Vialikabrytanii, Francyi, Šviejcaryi i Rasii.
«Naturalna, jak vy možacie zdahadacca, havorka idzie pra Pucina asabista, havorka idzie pra sproby dabracca da jaho siamji infarmacyjna, havorka idzie pra siabroŭ dziacinstva Pucina, pra biznesmienaŭ, siarod jakich Kavalčuk, Rotenbierh i inšyja, havorka idzie pra niejkija afšornyja kampanii, pra vialikuju kolkaść biznesmienaŭ, jakich jon i ŭ vočy nie bačyŭ», — zajaviŭ Piaskoŭ.
Zapyt pres-słužbie Kramla pastupiŭ ad Mižnarodnaha kansorcyuma žurnalisckich rasśledavańniaŭ.
Nahadajem, u studzieni namieśnik ministra finansaŭ ZŠA Adam Šubin zajaviŭ, što zhodna sa zdahadkaj amierykanskich uładaŭ, Pucin karumpavany i staranna chavaje svoj sapraŭdny pamier majomaści. U Kramli tady nazvali rasśledavańnie paklopam.
Kamientary