U Vieniesuele vyzvalili 30 palitviaźniaŭ, siarod ich — viadomyja apazicyjaniery
Ahulnaja kolkaść vyzvalenych z 8 studzienia dasiahnuła 383 čałaviek, piša Reuters sa spasyłkaj na rodnych vyzvalenych palityčnych źniavolenych i pravaabarončuju hrupu Foro Penal.
Siarod vyzvalenych — paplečniki nobieleŭskaj łaŭreatki i apazicyjanierki Maryi Karyny Mačada Chuan Pabła Huanipa, a taksama viadomy advakat Pierkins Roča.
Reuters adznačaje, što heta apošnija hučnyja vyzvaleńni, ździejśnienyja ŭładami Karakasa, jakija znachodziacca pad ciskam ZŠA z patrabavańniem vyzvalić palityčnych źniavolenych.
Pravaabarončaja hrupa Foro Penal paviedamiła, što ŭ niadzielu byli vyzvalenyja 30 palitviaźniaŭ. Taksama arhanizacyja paćvierdziła, što z 8 studzienia, kali ŭrad Vieniesueły abviaściŭ pra pačatak novaj chvali vyzvaleńniaŭ, na volu vyjšli 383 palityčnyja źniavolenyja.
Roča, advakat apazicyjnaha ruchu Vente Venezuela, byŭ zatrymany ŭ žniŭni 2024 hoda pa abvinavačańni ŭ teraryźmie i źviazanych ź im złačynstvach. Huanipa byŭ aryštavany ŭ traŭni minułaha hoda paśla niekalkich miesiacaŭ znachodžańnia ŭ padpolli — jaho abvinavacili ŭ kiraŭnictvie terarystyčnaj zmovaj. Abodva admaŭlajuć usie abvinavačańni — jak asabista, tak i praz svaich rodnych i prychilnikaŭ.
Ułady Vieniesueły paabiacali vyzvalić usich palitźniavolenych na nastupnym tydni
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru
U Vieniesuele vyzvaleny jašče kala 80 palityčnych źniavolenych. Hetaha patrabavali ZŠA
Ciapier čytajuć
Łukašenka niezadavoleny vice-premjerkaj Natallaj Piatkievič — «buksuje»21
Kamientary