Zaŭtra sa sceny Kupałaŭskaha teatra viadomyja ludzi Biełarusi pračytajuć pjesu ab pravach žančyn
4 krasavika, u 19.00, na scenie Nacyjanalnaha akademičnaha teatra im. Janki Kupały viadomyja ludzi Biełarusi voźmuć udzieł u śpiektakli ab pravach žančyn «Siem».
Siem historyj viadomych žančyn z roznych kultur śvietu pračytajuć viadomyja ludzi Biełarusi: biznesmien, zasnavalnik partała TUT.BY Juryj Zisier, čempijon Biełarusi pa muaj-taj i vakalist pank-hurta Brutto Vital Hurkoŭ, televiadučaja Hanna Bond, pasoł dobraj voli JUNEJDS u Biełarusi, televiadučaja Śviatłana Baroŭskaja i inš.
Pastaviŭ pjesu režysior Ivan Pinihin.
Uvachod na pastanoŭku pa kvitkach, jakija raspaŭsiudžvajucca biaspłatna ŭ kasie Kupałaŭskaha teatra (vuł. Enhielsa, 7).
Šviedski prajekt «Siem» — heta dakumientalny teatralny tvor, u asnovu jakoha lahli intervju siami vybitnych žančyn, dziakujučy ŭpartaści jakich śviet mianiajecca da lepšaha. Pjesa naŭmysna minimalistyčnaja i nie patrabuje dekaracyj abo kaściumaŭ, ale čytalniki zaŭsiody novyja.
U Biełarusi heta ŭžo nie pieršy pakaz. U listapadzie 2015 hoda ŭ prajekcie ŭdzielničali pamočnik prezidenta pa ekanamičnych pytańniach Kirył Rudy, namieśnik ministra zamiežnych spraŭ Alena Kupčyna, pasoł Šviecyi ŭ Biełarusi Marcin Obierh, načalnik upraŭleńnia prafiłaktyki Hałoŭnaha ŭpraŭleńnia achovy pravaparadku i prafiłaktyki Ministerstva ŭnutranych spraŭ Aleh Karaziej, načalnik Hałoŭnaha ŭpraŭleńnia arhanizacyi miedycynskaj dapamohi Ministerstva achovy zdaroŭja Alena Bohdan, namieśnik ministra pracy i sacyjalnaj abarony Alaksandr Rumak, načalnik Upraŭleńnia pa spravach moładzi Ministerstva adukacyi Natalla Pšaničnaja. Režysioram taksama vystupaŭ Ivan Pinihin.
Kamientary