Rasijskija turysty zastanucca biez Turcyi i Jehipta da kanca 2016 hoda
Turcyja i Jehipiet nie buduć adkryty dla rasijskich turystaŭ da kanca 2016 hoda, paviedamiŭ namieśnik kiraŭnika Rasturyzmu Raman Skoryj.
«Vialikabrytanija i šerah jeŭrapiejskich krain taksama pakul nie śpiašajucca adnaŭlać avijaznosiny ź Jehiptam. Biaśpieka — heta hałoŭnaja prablema, pytańnie numar adzin», — skazaŭ Skoryj, kamientujučy situacyju z pajezdkami ŭ Jehipiet.
Pryčyny, pa jakich nie varta čakać chutkaha źniaćcia zabarony na arhanizavanyja tury ŭ Turcyju, namieśnik kiraŭnika Rasturyzmu tłumačyć nie zachacieŭ.
***
Rasija pierapyniła avijaznosiny ź Jehiptam paśla taho, jak u kastryčniku 2015 hoda na Sinajskim paŭvostravie raźbiŭsia samalot A320 z turystami z RF na borcie. Pryčynaj krušeńnia samalota, jak abviaściła FSB, staŭ vybuch na borcie.
Arhanizavanyja tury ŭ Turcyju stali pad zabaronaj paśla taho, jak tureckija VPS u listapadzie 2015 hoda źbili rasijski samalot Su-24, jaki ŭdzielničaŭ u apieracyi ŭ Siryi.
U ŚMI nieadnarazova źjaŭlalisia paviedamleńni ab tym, što Rasija hatovaja adnavić avijaznosiny ź Jehiptam, adnak aficyjnyja asoby hetuju infarmacyju nie paćvierdzili.
Da zabarony Jehipiet i Turcyja byli samymi papularnymi zamiežnymi napramkami u rasiejskich turystaŭ.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1313
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata13
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary