«Hazprom» nie maje namieru źnižać canu na haz dla Biełarusi

AAT «Hazprom» ličyć niemetazhodnym źnižać canu na haz dla Biełarusi, zajaviŭ namieśnik staršyni praŭleńnia hazavaj kampanii Valeryj Hołubieŭ.

Pavialičyć

«U nas ža formuła ź Biełaruśsiu vielmi prostaja. My biarem canu vytvorčaści ŭ Jamała-Nienieckaj akruzie i da jaje prybaŭlajem canu transparciroŭki, ničoha lišniaha. I hety pryncyp byŭ padpisany. Čamu my pavinny siońnia pradavać haz Biełarusi tańniej, čym pradajem jaho ŭ Rasii?» — zajaviŭ Hołubieŭ RIA Novosti.

Jon zaznačyŭ, što isnujuć roznyja formuły cenaŭtvareńnia na haz. «Jość formuły, naprykład, źviazanyja z naftavymi kaeficyjentami, a Biełaruś išła pa inšym šlachu, jany ž sami nie pajšli na formułu, pryviazanuju da naftavych ekvivalentaŭ, jany zachacieli canu, jak u Rasii, plus transpart. Siońnia biełaruskija kalehi kažuć — nie, my chočam, kab było pa-inšamu. Nu, treba być paśladoŭnymi», — adznačyŭ top-mieniedžar «Hazproma».

Hołubieŭ udakładniŭ, što ciapier košt dla Biełarusi składaje 132 dołary za tysiaču kubamietraŭ.

Adkazvajučy na pytańnie, ci moža być zroblenaja sastupka biełaruskamu boku ŭ košcie, jon adznačyŭ, što isnuje mižuradavaje pahadnieńnie, jakoje vyznačaje formułu cany pastavak rasijskaha hazu.

«Ciapier dla Armienii padpisany kantrakt na 150 dołaraŭ (za tysiaču kubamietraŭ hazu). Heta takaja ž pa sutnaści sajuznaja dziaržava, ale Armienija znachodzicca trochi dalej za Biełaruś, tamu cana dla ich krychu vyšejšaja. Dla Kirhizii cana taksama 150 dołaraŭ, jany taksama člen JEAES. Jany taksama mohuć patrabavać (pierahladu cany)? A zatraty našy chto budzie kampiensavać?» — zaznačyŭ Hołubieŭ.

Nahadajem, raniej u intervju RIA Novosti premjer-ministr Biełarusi Andrej Kabiakoŭ nazvaŭ hałoŭnaj prablemaj pryviazku koštaŭ na rasijskija enierhanośbity da dołara.

Tak, pavodle jaho słoŭ, u pačatku 2014 hoda cana hazu dla Biełarusi składała 165 dołaraŭ za tysiaču kubamietraŭ. Heta było pry kursie rasijskaha rubla 32-33 za dołar. Na 1 studzienia 2015 hoda cana na haz składała 142 dołary za tysiaču kubamietraŭ. «Pry hetym dołar staŭ kaštavać bolš za 60 rasijskich rubloŭ. Łahična, što haz užo pavinien kaštavać prykładna 80 dołaraŭ, a ŭ nas 142», — skazaŭ Kabiakoŭ.

«Abjom źniešniaha handlu letaś u nacyjanalnych valutach pamiž krainami skłaŭ prykładna 82%. Ekspart Biełarusi ŭ Rasiju praktyčna na 100% idzie ŭ rasijskich rublach. Impart idzie taksama ŭ rasijskich rublach. Ale ŭsie enierhanośbity my kuplajem za dołary. Raźličvacca možna i ŭ rasijskich rublach, ale hałoŭnaja prablema ŭ tym, što cenaŭtvareńnie pryviazanaje da dołara», — kanstatavaŭ Kabiakoŭ.

Jon taksama zajaviŭ, što biełaruski bok chacieŭ by, kab «nafta, jakaja pastupaje ŭ Biełaruś pa naftapravodzie, była bolš vysokaj jakaści, bo apošnim časam jaje jakasnyja charaktarystyki źnižajucca». «Pry hetym cana zastałasia raniejšaj. My damovilisia ab vydzialeńni ŭ asobny patok nafty z bolš nizkim utrymańniem siery i palepšanym frakcyjnym składam dla pastavak u Respubliku Biełaruś i tranzicie praź jaje terytoryju spažyŭcam Jeŭrapiejskaha sajuza», — skazaŭ premjer.

• 0
• 0
• 0
• 0
• 0
• 0
• 0
• 0