Heta adzin z samych sučasnych muzejaŭ śvietu.
Muzej historyi polskich habrejaŭ POLIN atrymaŭ prestyžnuju premiju «Eŭrapiejski muzej hoda». Heta pieršaja ŭznaharoda dla muzejnaj ustanovy z Polščy za čas isnavańnia konkursu.
Premiju za najlepšy eŭrapiejski muzej hoda ŭ Eŭropie POLIN atrymaŭ u znak pryznańnia za dziejnaść ustanovy, «jakaja stvaryła dla naviednikaŭ unikalnuju atmasferu, kreatyŭny padychod da adukacyi j apovied pra tysiačahadovuju supolnuju historyju habrejaŭ i palakaŭ».
Žury aceńvała kala paŭsotni eŭrapiejskich muzejaŭ. POLIN skaryŭ ich aryhinalnym i kreatyŭnym padychodam da znajomstva naviednikaŭ ź historyjaj i kulturaj polskich habrejaŭ.
Statuetku The Egg (Jajka) padčas uračystaj cyrymonii ŭznaharodžańnia laŭreataŭ konkursu atrymaŭ dyrektar Muzeja historyi polskich habrejaŭ Daryjuš Stoła. Pavodle dyrektara muzeja, heta syhnał dla ludziej va ŭsioj Eŭropie, što varta naviedać POLIN u Varšavie:
— My hetym vielmi hanarymsia, bo heta hałoŭnaja premija dla muzejaŭ u Eŭropie. Kankurencyja była vielmi žorstkaja. Za zvańnie laŭreata zmahałasia 49 muzejnych ustanovaŭ. Heta cudoŭnyja muzei. Ale atrymali premiju my.
Žury ŭ svaim rašeńni padkreślivaje, što Muzej historyi polskich habrejaŭ raspaviadaje pra składanyja temy ŭ duchu ŭzajemnaj pavahi j razumieńnia z vykarystańniem inavacyjnych technalohij.
POLIN prapanuje naviednikam bahatuju adukacyjnuju j kulturnuju prahramu, šmatlikija imprezy dla vielmi šyrokaj i raznastanaj aŭdytoryi. Z hetym pahadžajucca j sami naviedniki.
U sioletnim konkursie, razam z Muzejem historyi polskich habrejaŭ POLIN, za zvańnie najlepšaj muzejnaj ustanovy Eŭropy zmahałasia 49 kandydataŭ z 24 krain.
Konkurs za zvańnie Eŭrapiejskaha muzeju hodu byŭ zasnavany pad patranažam Eŭrakamisii ŭ 1997 hodzie, kab papularyzavać najlepšyja dasiahnieńni eŭrapiejskich muzejaŭ i zaachvočvać ich adkryvacca na inavacyi.
Muzej historyi polskich habrejaŭ pracuje treci hod. Heta adzin z samych sučasnych muzejaŭ śvietu. Tradycyjnaja muzejnaja sprava spałučajecca ŭ im z sučasnaj adukacyjaj. Padobnych ustanoŭ na śviecie jość niekalki: Muzej Hałakostu ŭ Vašynhtonie, Jad Vašem u Tel-Avivie j Habrejski muzej u Berlinie.
Da vajny ŭ Polščy žyło kala 3,3 młn. habrejaŭ, heta było kala 10% nasielnictva krainy.
Interaktyŭnyja ekspazycyja raspaviadaje pra tysiačahadovuju historyju habrejaŭ na polskich ziemlach – ad pieršych pasialencaŭ da siońniašniaha dnia. Naviedniki vystavy zmohuć pašpacyravać pa davajennaj habrejskaj vulicy, pabyvajuć u habrejskim rajonie Krakava Kazimiežy, a taksama na rynku miastečka z XVII st.
Ekspazycyja pačynajecca ŭ mahičnym Lesie, dzie hučyć lehienda ab pieršych habrejach na polskich ziemlach. Halereja «Pieršaja sustreča» raspaviadaje pra časy Siaredniaviečča. Nastupnaja častka ekspazycyi Paradisus Iudaeorum raspaviadaje pra XVI st., jakoje było peryjadam najbujniejšaha roskvitu habrejskaj navuki j kultury. Čarhovyja halerei znajomiać sa štodzionnym žyćciom habrejskaha miastečka, mižvajennym peryjadam, Hałakostam i paślavajennymi hadami.
Architektura muzeju ŭražvaje. Jaho zbudavali pavodle prajektu finskaha architektara Rajner Machłamaki (Rainer Mahlamäki). Jon złučyŭ u budynku spektakularnaść i praktyčnaść. Zvonku muzej vyhladaje jak nieabčesany kamień sa šklanymi panelami. Unutry muzeju panuje niezvyčajny dynamizm: chvalistyja ścieny, most, jaki ŭznosicca nad pahorkam i vykonvaje funkcyju złučnika. Budynak znachodzicca pasiarod byłoha varšaŭskaha hieta, pobač z pomnikam Hierojam hieta.
Budova muzeju kaštavała 300 młn. złotych. Heta srodki polskaj dziaržavy j zamiežnych achviaradaŭcaŭ.
Ciapier čytajuć
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca16
Kamientary