U Minsk prybyŭ pradstaŭnik Ahienctva ZŠA pa mižnarodnym raźvićci
Namieśnik pamočnika administratara Ahienctva ZŠA pa mižnarodnym raźvićci (USAID) pa spravach Jeŭropy i Jeŭrazii Džonatan Katc naviedvaje Minsk 20—22 krasavika.
U prahramie znachodžańnia — sustrečy ŭ ministerstvach zamiežnych spraŭ i ekanomiki, z pradstaŭnikami hramadskich arhanizacyj i biznes-supolnaści. Katc užo sustreŭsia z načalnikam upraŭleńnia Amieryki MZS Aleham Kraŭčankam. Baki abmierkavali «pytańni raźvićcia supracoŭnictva Biełarusi i ahienctva», paviedamiła pres-słužba źniešniepalityčnaha viedamstva, paviedamiła pres-słužba amierykanskaj ambasady.
21 krasavika Katc adkryje kanfierencyju Venture Day, pryśviečanuju prablematycy vienčurnaha finansavańnia. Tematyčny fokus kanfierencyi ŭ hetym hodzie — technałohii dla zdarovaj budučyni. Adnadzionnaja kanfierencyja, za jakoj rušyć uśled 48-hadzinny chakaton (forum raspracoŭščykaŭ), arhanizavanaja pry padtrymcy USAID. Aŭdytoryja kanfierencyi — inviestary, prahramisty, startapy, ekśpierty i inžyniery ŭ śfiery achovy zdaroŭja, ekołahi, aktyvisty ekałahičnych arhanizacyj.
Katc abvieścić pra novy prajekt USAID — «Pašyreńnie dostupu da vienčurnaha finansavańnia ŭ Biełarusi» (Aid-Venture). Ahienctva padtrymaje piacihadovy prajekt ź biudžetam 2,5 młn dalaraŭ, naceleny na rost startapaŭ i pašyreńnie roli pryvatnaha siektara ŭ biełaruskaj ekanomicy. Hety prajekt zaklikany dapamahčy stvaryć u krainie asiarodak, spryjalny dla vienčurnaha finansavańnia, pašyryć dostup da vienčurnaha kapitału, a taksama ŭmacavać miascovuju supolnaść vienčurnych inviestaraŭ. USAID čakaje prapanoŭ u ramkach adkrytaha konkursu ad rehijanalnych i biełaruskich kamiercyjnych i niekamiercyjnych niedziaržaŭnych arhanizacyj.
Kamientary