Na Youtube-kanale samarskaha rehijanalnaha adździaleńnia rasijskaj dziciačaj pieradačy «Jerałaš» vyjšła sacyjalnaja rekłama dla dziaciej, pryśviečanaja śviatkavańniu čarhovaha Dnia pieramohi.
Ale nie vielmi padobna, što metaj rekłamy źjaŭlajecca prabudžeńnie ŭ dzieciach pavahi da vieteranaŭ toj vajny ci pakazańnie im žachaŭ i nastupstvaŭ trahiedyi.
Na videa hrupa dziaciej sustrakaje niby ich ravieśnika, jaki zahinuŭ na vajnie i raskazvaje im pra svoj los. Pa jaho słovach, jaho bratoŭ i baćku zabrali na front, a maci rasstralali niemcy. Jon ža prybiŭsia da partyzan i chadziŭ u vyviedku, dzie jaho i zabiŭ varožy snajpier.
Usio b ničoha, ale i tak vielmi sumny rolik zakančvajecca pytańniem adnoj ź dziaŭčynak z hrupy da chłopčyka-sałdata: «A pamirać nie strašna?» Na što chłapčuk adkazvaje: «Heta nie važna, hałoŭnaje, što my pieramahli!»
Zastajecca tolki zdahadvacca, čamu źbirajucca navučyć dziaciej aŭtary dadzienaj rekłamy i jakoje staŭleńnie da vajny jany chočuć pryščapić budučamu pakaleńniu rasijan.
Piać byłych siłavikoŭ prasili svaich kaleh nie być zališnie žorstkimi. Ciapier im pahražajuć vielizarnyja terminy9
Kamientary