Zavodski (Minska) rajonny adździeł Śledčaha kamiteta raspačaŭ kryminalnuju spravu pa fakcie hibieli na vytvorčaści rabočaha Minskaha aŭtamabilnaha zavoda.
Jak paviedamiŭ aficyjny pradstaŭnik upraŭleńnia SK pa Minsku Alaksandr Hierasimaŭ, kryminalnaja sprava raspačataja pa prykmietach złačynstva, praduhledžanaha č. 2 art. 306 KK (parušeńnie praviłaŭ achovy pracy, što paciahnuła pa nieaściarožnaści śmierć čałavieka).
Pavodle infarmacyi śledčych orhanaŭ, siońnia kala 15.00 u liciejnym cechu pry praviadzieńni ramontnych rabot indukcyjnaj piečy byŭ śmiarotna traŭmavany mahnitam, jaki ŭpaŭ, mužčyna 1979 hoda naradžeńnia.
Na miescy zdareńnia pracuje śledča-apieratyŭnaja hrupa, pryciahnutyja pradstaŭniki Dziaržkamiteta sudovych ekśpiertyz, adździeła achovy pracy kamiteta pa pracy, zaniatasci i sacyjalnaj abaronie Minharvykankama.
«Pravodziacca nieadkładnyja śledčyja dziejańni, vyśviatlajucca abstaviny zdareńnia, pryznačanaja sudova-miedycynskaja ekśpiertyza, šerah inšych nieabchodnych daśledavańniaŭ», — skazaŭ pradstaŭnik USK pa Minsku.
Čynoŭniki prahavarylisia, što ŭ Biełarusi zastałosia tolki 8,8 miljona čałaviek? Heta niapravilnaja vysnova3
Kamientary