Daviedka, u jakoj zaśviedčana 10-razovaje pieravyšeńnie ŭtrymańnia stroncyju ŭ małace ź biełaruskaj fiermy FOTAFAKT
25 krasavika ahienctva Asašyejted Pres apublikavała materyjał, u jakim paviedamlałasia, što ŭ małace ź fiermy kala čarnobylskaj zony, jakoje pastupaje na pradpryjemstva «Miłkavita», u 10 razoŭ vyšejšaje za normu ŭtrymańnie nuklidaŭ stroncyju-90.
Zhodna z normami Ministerstva sielskaj haspadarki Biełarusi, aktyŭnaść stroncyju-90 u praduktach nie pavinna pieravyšać 3,7 biekierela na kiłahram. U dadzienym uzory małaka hety pakazčyk skłaŭ 37,5 Bk/kh.
U adkaz namieśnik hałoŭnaha doktara Minskaha centra hihijeny, epidemijałohii i hramadskaha zdaroŭja Piatro Amvrośjeŭ zajaviŭ, što pa vynikach tych daśledavańniaŭ ŭtrymańnie ceziju-137 skłała 1,10 ± 1,77 Bk/ł (norma 100 Bk/ł), heta značyć małako adpaviadaje normie pa źmieście ceziju-137. A vymiareńnie ŭtrymańnia stroncyju-90, pavodle słoŭ Amvrośjeva, nie pravodziłasia «z-za niedastatkovaści dastaŭlenaha abjomu małaka».
Aŭtar materyjału AP, žurnalist Juraś Karmanaŭ pradastaviŭ «Našaj Nivie» daviedku, jakuju atrymaŭ u Minskim centry hihijeny i epidemijałohii pa vynikach analizu małaka. Pra ŭtrymańnie stroncyju-90 śviedčyć druhi źnizu radok.
Kamientary