Siońnia na 92-m hodzie žyćcia pamior narodny artyst Ukrainy, lehiendarny opierny śpiavak i režysior Dźmitryj Hnaciuk, paviedamlajuć infarmahienctvy.
Za svajo tvorčaje žyćcio jon vykanaŭ zvyš za 50 składanych i vialikich rolaŭ u opiernych śpiektaklach, siarod jakich partyja Sułtana ŭ «Zaparožcy za Dunajem», Enieja ŭ «Enieidzie», Astapa ŭ «Tarasie Bulbie». Usiaho ŭ jaho repiertuary 85 tvoraŭ nacyjanalnaj i suśvietnaj kłasiki.
Siarod režysiorskich rabot Hnaciuka — viadomyja ŭsim śviecie pastanoŭki opier «Taras Bulba», «Natałka Pałtaŭka», «Zaparožac za Dunajem», «Pikavaja dama», «Maziepa», «Saročynski kirmaš».
Raźvitańnie z vykanaŭcam chitoŭ 1960-ch «Dva kolery», «Ridna maty moja» i «Kijevie moj» adbudziecca 4 maja, zatym jon budzie pachavany na Bajkavych mohiłkach u Kijevie.
Hnaciuk naradziŭsia na Bukavinie, jakaja tady była pad Rumynijaj. Jon staŭ sapraŭdy Narodnym artystam Ukrainy. Pieśni ŭ jahonym vykanańni na pamiać viedali ludzi nie tolki va Ukrainie, a ŭ inšych krainach śvietu.
Voś niekolki zapisaŭ jahonych piesień.
Kamientary