Сёння на 92-м годзе жыцця памёр народны артыст Украіны, легендарны оперны спявак і рэжысёр Дзмітрый Гнацюк, паведамляюць інфармагенцтвы.
За сваё творчае жыццё ён выканаў звыш за 50 складаных і вялікіх роляў у оперных спектаклях, сярод якіх партыя Султана ў «Запарожцы за Дунаем», Энея ў «Энеідзе», Астапа ў «Тарасе Бульбе». Усяго ў яго рэпертуары 85 твораў нацыянальнай і сусветнай класікі.
Сярод рэжысёрскіх работ Гнацюка — вядомыя ўсім свеце пастаноўкі опер «Тарас Бульба», «Наталка Палтаўка», «Запарожац за Дунаем», «Пікавая дама», «Мазепа», «Сарочынскі кірмаш».
Развітанне з выканаўцам хітоў 1960-х «Два колеры», «Рідна маты моя» і «Кіеве мой» адбудзецца 4 мая, затым ён будзе пахаваны на Байкавых могілках у Кіеве.
Гнацюк нарадзіўся на Букавіне, якая тады была пад Румыніяй. Ён стаў сапраўды Народным артыстам Украіны. Песні ў ягоным выкананні на памяць ведалі людзі не толькі ва Украіне, а ў іншых краінах свету.
Вось неколькі запісаў ягоных песень.
Чарамшына
Два колеры
Рідна мати моя
Месяц на небе
Цяпер чытаюць
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары