U śniežni minułaha hoda byłoha namieśnika ministra sielskaj haspadarki Vasila Pivavara spačatku vyzvalili ad zajmanaj pasady, a potym i zusim uziali pad vartu. U čym jon praviniŭsia, da hetaha času było nieviadoma. Siońnia kiraŭnik Śledčaha kamiteta Ivan Naskievič raskryŭ tajamnicu: eks-čynoŭnik datyčny da hučnaha skandału na Homielskim miasakambinacie.
— Vasil Pivavar aryštavany pa tak zvanaj spravie ab paškodžańni miasa na Homielskim miasakambinacie. Tam było sapsavana kala sta ton miasa, — raspavioŭ Ivan Naskievič. — Śledstva praciahvajecca. Kančatkovaje abvinavačvańnie Pivavaru i inšym słužbovym asobam jašče nie pradjaŭlena.
Pa hetaj kryminalnaj spravie akramia Vasila Pivavara prachodzić jašče bolš za dziesiać čałaviek. Ich dziejańni kvalifikavanyja jak złoŭžyvańnie ŭładaj i słužbovymi paŭnamoctvami.
Pa viersii śledstva, padazravanyja chavali sapraŭdny stan spraŭ na Homielskim miasakambinacie. Jany nie zmahli zabiaśpiečyć naležnyja ŭmovy zachoŭvańnia pradukcyi. Z-za hetaha z maja pa śniežań na pradpryjemstvie zhniło bolš za sto ton miasa.
— Nasupierak patrabavańniam narmatyŭnych aktaŭ, jakija pradpisvajuć utylizacyju takoj pradukcyi, miasakambinat arhanizavaŭ pierapracoŭku i realizacyju sapsavanych praduktaŭ, što pastaviła ŭ niebiaśpieku žyćcio i zdaroŭje hramadzian, — kamientavali kryminalnuju spravu ŭ Śledčym kamitecie.
Pad vartaj siońnia znachodzicca i inšy bujny čynoŭnik — były ministr handlu Valancin Čakanaŭ. Jaho padazrajuć u złoŭžyvańni słužbovymi paŭnamoctvami. Ale ŭ čym kankretna, u SK pakul nie havorać. Śledstva praciahvajecca.
— Na terminy hetaha rasśledavańnia vialiki ŭpłyŭ akazvaje vykanańnie daručeńnia ab akazanni pravavoj dapamohi z boku Rasijskaj Fiederacyi, — skazaŭ Ivan Naskievič.
-
U Aŭstryi praciahvajucca pošuki 19‑hadovaha biełarusa: paviedamleńnie pra toje, što jaho znajšli, vyjaviłasia pamyłkaj
-
Zastałasia biez kvatery i nazapašvańniaŭ na $25 000. Rabotnicu minskaj VNU raźviali ašukancy
-
Departavany biełarus viarnuŭsia ŭ Rasiju pa prach pamierłaj žonki — i atrymaŭ dzieviać miesiacaŭ kałonii
Kamientary