Skančajecca konkurs na zabudovu rajonu vakoł Nacyjanalnaj biblijateki, vyrašana ab pieranosie muzeju.
Alaksandr Łukašenka 8 maja aznajomiŭsia z prajektami zabudovy biełaruskaj stalicy, paviedamili BIEŁTA.
U pryvatnaści, uvazie prezidenta byli pradstaŭleny prajektnyja prapanovy adkrytaha mižnarodnaha konkursu na najlepšuju architekturnuju kancencyju zabudovy terytoryi, jakaja prylahaje da budynka Nacyjanalnaj biblijateki Biełarusi.
Na konkurs było padadziena 13 prajektaŭ, u raspracoŭcy jakich pryniali ŭdzieł 12 arhanizacyj jak biełaruskich, tak i bujnych mižnarodnych prajektnych struktur ź Vialikabrytanii, Kanady, Francyi, Słavakii, ZŠA. Jaho vyniki buduć padviedzieny praz tydzień-dva.
Płošča terytoryi, prapanavanaj dla zabudovy, składaje 34 ha. Abaviazkovaja ŭmova konkursu - stvareńnie sučasnaha horadabudaŭničaha ansambla ŭ kampazicyjnaj uviazcy z kompleksam Nacyjanalnaj biblijateki Biełarusi, parkavaj zonaj i praśpiektam Niezaležnaści. Pry hetym arhanizatar konkursu, Minharvykankam, nie abmiažoŭvaŭ udzielnikaŭ kankretnymi ŭmovami i paramietrami, što dało mahčymaść im bolš svabodna pieradać svajo bačańnie pa zabudovie hetaj terytoryi.
Usie prapanavanyja prajekty praduhledžvajuć raźmiaščeńnie tut vyšynnych budynkaŭ, abjektaŭ handlu, administracyjna-dziełavych budynkaŭ, žyłych damoŭ, kulturna-zabaŭlalnych i spartyŭnych zbudavańniaŭ. Vialikaja ŭvaha ŭdzialajecca taksama stvareńniu zialonych zon.
Tak, biełaruskija prajekciroŭščyki prapanavali stvaryć u hetym rajonie Minska aśvietny i zabaŭlalny kompleks "Kaŭčeh suśvietnych kultur", asnovaj jakoha budzie klimat-park z pryrodnymi łandšaftami ŭsiaho śvietu, a taksama buduć pabudavany kvartały ŭ architekturnych stylach roznych krain.
Asnoŭnaj idejaj franka-słavackaha prajekta źjaŭlajecca stvareńnie piešachodnych vulic i vodnych kanałaŭ, pa jakich možna pieramiaščacca na šlupkach, łodkach i handołach.
Kancepcyja jašče adnaho biełaruskaha prajekta praduhledžvaje budaŭnictva komleksu ŭ vobrazie biełaj lilei, u centry jaho raźmieścicca haściničny kompleks.
Architektary ź Vialikabrytanii pradstaŭlajuć abličča hetaha rajona jak "Uschodniaha majaka Minska", sutnaść jaho zaklučajecca ŭ stvareńni troch bujnych horadabudaŭničych ansamblej, jakija pramieniami iduć ad Nacyjanalnaj biblijateki, pamiž imi raźmieściacca parki.
Alaksandr Łukašenka ŭ razmovie sa staličnymi ŭładami źviarnuŭ uvahu na nieabchodnaść vyrašeńnia prablemy ź niedachvatam dastupnych aŭtastajanak u Minsku. Pryčym zrabić heta treba, pavodle jaho słoŭ, u ścisłyja terminy.
Prezidentu byŭ taksama pradstaŭleny prajekt budaŭnictva novaha muzieja Vialikaj Ajčynnaj vajny ŭ Minsku. Alaksandr Łukašenka adobryŭ zadumu architektaraŭ.
Płanujecca, što novy budynak raźmieścicca na praśpiekcie Pieramožcaŭ pobač z parkam Pieramohi. Heta budzie budynak, bolšy pa płoščy, čym isnujučy muziej. Budaŭnictva novaha muzieja pavinna zaniać nie bolš jak dva hady.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku19
Kamientary