Brytanskaja viaščalnaja karparacyja abviaściła ab zakryćci niekalkich svaich internet-sajtaŭ i budučaj reformie navinavaha viaščańnia ŭ ramkach płana pa ekanomii 15 miljonaŭ funtaŭ.
Siarod prajektaŭ, jakija zakryvajucca — takija papularnyja ŭ Brytanii sajty, jak BBC Food, BBC Travel i Newsbeat, a taksama News Magazine.
Tym nie mienš, jak paabiacała kiraŭnictva karparacyi, Bi-bi-si nie admovicca ad padrychtoŭki bujnych materyjałaŭ, ahladaŭ i narysaŭ, jakija ciapier buduć publikavacca na navinavych sajtach.
Zakryvajucca i 40 rehijanalnych sajtaŭ Bi-bi-si, jakija pisali ŭ asnoŭnym pra miascovyja naviny.
Taksama ŭ jakaści adnaho z varyjantaŭ razhladajecca płan źlićcia 24-hadzinnaha navinavaha telekanała (News 24), jaki viaščaje na Vialikabrytaniju, z padobnym na jaho navinavym kanałam BBC World, pryznačanym dla zamiežnaj aŭdytoryi.
Usie hetyja płany byli abvieščanyja ŭ aŭtorak kiraŭnikom navinavaha padraździaleńnia Bi-bi-si Džejmsam Chardynham.
Pa słovach Chardynha, Bi-bi-si pavinna ŭnieści źmieny ŭ svaju pracu, ale pry hetym nie pavinna źmianiacca jaje hałoŭnaje pryznačeńnie.
«Bi-bi-si taksama pavinna jasna skazać pra toje, čaho jana nie budzie rabić u internecie. Jana nie moža rabić usio dla ŭsich», — skazaŭ Džejms Chardynh.
Dakumient, apublikavany ŭ aŭtorak, stavić ahulnuju zadaču šlacham restrukturyzacyi viaščańnia i struktury internet-sajtaŭ zekanomić 15 młn funtaŭ, heta prykładna 15% redakcyjnaha biudžetu.
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ3
Kamientary