Брытанская вяшчальная карпарацыя абвясціла аб закрыцці некалькіх сваіх інтэрнэт-сайтаў і будучай рэформе навінавага вяшчання ў рамках плана па эканоміі 15 мільёнаў фунтаў.
Сярод праектаў, якія закрываюцца — такія папулярныя ў Брытаніі сайты, як BBC Food, BBC Travel і Newsbeat, а таксама News Magazine.
Тым не менш, як паабяцала кіраўніцтва карпарацыі, Бі-бі-сі не адмовіцца ад падрыхтоўкі буйных матэрыялаў, аглядаў і нарысаў, якія цяпер будуць публікавацца на навінавых сайтах.
Закрываюцца і 40 рэгіянальных сайтаў Бі-бі-сі, якія пісалі ў асноўным пра мясцовыя навіны.
Таксама ў якасці аднаго з варыянтаў разглядаецца план зліцця 24-гадзіннага навінавага тэлеканала (News 24), які вяшчае на Вялікабрытанію, з падобным на яго навінавым каналам BBC World, прызначаным для замежнай аўдыторыі.
Усе гэтыя планы былі абвешчаныя ў аўторак кіраўніком навінавага падраздзялення Бі-бі-сі Джэймсам Хардынгам.
Па словах Хардынга, Бі-бі-сі павінна ўнесці змены ў сваю працу, але пры гэтым не павінна змяняцца яе галоўнае прызначэнне.
«Бі-бі-сі таксама павінна ясна сказаць пра тое, чаго яна не будзе рабіць у інтэрнэце. Яна не можа рабіць усё для ўсіх», — сказаў Джэймс Хардынг.
Дакумент, апублікаваны ў аўторак, ставіць агульную задачу шляхам рэструктурызацыі вяшчання і структуры інтэрнэт-сайтаў зэканоміць 15 млн фунтаў, гэта прыкладна 15% рэдакцыйнага бюджэту.
Што цяпер з італьянскімі візамі? Масавыя адмовы? Турфірмы называюць альтэрнатыву4
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары