Narviežski fond «Dom pravoŭ čałavieka» dasłaŭ adkryty list Alaksandru Łukašenku, rezka asudziŭšy rašeńnie Minskaha harvykankamu ab admovie ŭ rehistracyi na terytoryi Minska redakcyi haziety «Naša niva». Fond taksama zaklikaŭ biełaruskija ŭłady dać «NN» mahčymaść znoŭ raspaŭsiudžvacca praz poštu i pradavacca ŭ kijoskach.
Narviežski fond «Dom pravoŭ čałavieka» dasłaŭ adkryty list Alaksandru Łukašenku, rezka asudziŭšy rašeńnie Minskaha harvykankamu ab admovie ŭ rehistracyi na terytoryi Minska redakcyi haziety «Naša niva». Fond taksama zaklikaŭ biełaruskija ŭłady dać «NN» mahčymaść znoŭ raspaŭsiudžvacca praz poštu i pradavacca ŭ kijoskach.
U pasłańni padkreślivajecca, što, pavodle biełaruskaha zakanadaŭstva, nielha admović haziecie ŭ rehistracyi jurydyčnaha adrasu z pryčyny taho, što hałoŭny redaktar byŭ za kratami. «Naša niva» - heta adna z apošnich niezaležnych haziet, jakija vydajucca na biełaruskaj movie, - padkreślivajecca ŭ liście. - Niezaležnyja miedyja i žurnalisty znachodziacca pad pastajannym uciskam u Biełarusi, i situacyja z «Našaj nivaj» - čarhovy prykład hetaha».
Napiaredadni Suśvietnaha dnia svabody presy mižnarodnaja arhanizacyja «Freedom House» abnarodavała štohadovy ahlad stanovišča ŚMI ŭ śviecie: zhodna ź jaho vynikami, Biełaruś znachodzicca na 185 miescy sa 194-ch dziaržaŭ śvietu pavodle svabody mas-miedyja, - paviedamiła Radyjo «Svaboda». Jašče horšyja ŭmovy dla dziejnaści ŚMI, na dumku aŭtaraŭ dakładu, va Uźbiekistanie, Zimbabve, Erytrei, Birmie, Kubie, Livii, Turkmienistanie i Paŭnočnaj Karei.
Pres-słužba HA «Biełaruskaja asacyjacyja žurnalistaŭ»
Kamientary