Biełarusi i Kazachstanu nieabchodna pryniać miery dla pieraadoleńnia niehatyŭnych tendencyj u handlova-ekanamičnym supracoŭnictvie, zajaviŭ Alaksandr Łukašenka 30 maja ŭ Astanie na sustrečy z prezidentam Kazachstana Nursułtanam Nazarbajevym.
«Naša sustreča vielmi važnaja. U suviazi ź situacyjaj na mižnarodnych rynkach, u susiedniaj Rasii, va Ukrainie — našy asnoŭnyja partniory, — u nas, u Kazachstanie i Biełarusi, situacyja składvajecca niaprostaja. I naša daviernaja, siabroŭskaja razmova zaŭsiody prynosiŭ karyść. Dumaju, my siońnia damovimsia, jak vychodzić z hetaha stanovišča», — cytuje Łukašenku dziaržaŭnaje ahienctva BiełTA.
Pavodle jaho słoŭ, bakam pakul nie ŭdałosia pierałamać tendencyju da źnižeńnia ŭzajemnaha tavaraabarotu. «Nam pakul nie ŭdajecca ŭ advarotny bok zapuścić praces, a my abaviazanyja heta zrabić, — padkreśliŭ jon. — My — blizkija, rodnyja dziaržavy ŭ adnym ekanamičnym sajuzie. I nam, viadoma, treba fundamient našych adnosin padciahvać. Tym bolš my z vami ŭ svoj čas vyznačyli šlachi, pa jakich pavinny ruchacca, i niamała zrabili ŭ hetym kirunku. Ale patrebny niejki novy hłytok pavietra. i my siońnia, jak by ni było składana, pavinny daručyć uradam i sami padšturchnuć našy adnosiny, kab chutčej vyjści z hetaj situacyi».
Łukašenka adznačyŭ, što ŭ pytańniach mižnarodnaha paradku dnia pohlady dźviuch krain całkam supadajuć.
Jon taksama paviedamiŭ, što viaducca pieramovy pa raźvićci navukova-techničnaha supracoŭnictva pamiž Biełaruśsiu i Kazachstanam. «Dumaju, my pryjdziem da pahadnieńnia blizu času vašaha vizitu. Vielmi šmat napramkaŭ, i my hatovyja z kazachstanskaj bokam pracavać», — skazaŭ Łukašenka.
U svaju čarhu Nursułtan Nazarbajeŭ padkreśliŭ, što pamiž Biełaruśsiu i Kazachstanam skłalisia blizkija sajuźnickija adnosiny. Dziakujučy sumiesnym namahańniam za apošnija hady stvorana šmat sumiesnych pradpryjemstvaŭ.
Jon adznačyŭ, što, niahledziačy na źnižeńnie tavaraabarotu ŭ finansavym vyražeńni, jaho fizičnyja abjomy zachavalisia. «Kryzis viečna nie byvaje. Zaraz my viadziem pracu pa dalejšym stratehičnym supracoŭnictvie», — skazaŭ Nazarbajeŭ.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary